Tibetan
Back to text page · Switch to: Tibetan
བླ་མ་དང་ལྷག་པའི་ལྷ་ལ་ཕྱག་འཚལ་ལོ།། འཇིག་རྟེན་ལྷ་བརྒྱས་གུས་པར་བཏུད་བྱས་ཤིང་། །ཚད་མེད་ཐུགས་རྗེས་འགྲོ་བ་སྨིན་མཛད་པ། །སྲིད་མཐའི་བར་དུ་གནས་ནས་ཐུགས་རྗེ་ཡིས། །ཕྲིན་ལས་ལྷུན་གྱིས་གྲུབ་པར་མཛད་ལ་འདུད། །མཁྱེན་པ་ཉིན་མོར་བྱེད་པའི་འོད་སྟོང་གིས། །སྲིད་པའི་མུན་པ་མ་ལུས་སེལ་མཛད་ཅིང་། །འགྲོ་ཀུན་བྱམས་པའི་ཐུགས་ཀྱིས་ཉེར་འཚོ་བ། །མི་ཕམ་མགོན་པོའི་ཞབས་ལ་ཕྱག་འཚལ་ལོ། །རྫོགས་པའི་བྱང་ཆུབ་ཐོབ་པའི་རྒྱུའི་ཉེར་ལེན་ནི་དྲི་བཅས་ཀྱི་ཁམས་ཡིན་ལ། དྲི་མ་སྦྱངས་ནས་དྲི་མེད་དེ་བཞིན་ཉིད་དུ་གྱུར་པ་ཐོབ་པ་ནི་བྱང་ཆུབ་ཡིན་ལ། བྱང་ཆུབ་ཐོབ་པ་ནས་སྟོབས་སོགས་ཀྱི་ཡོན་ཏན་བརྙེས་ཏེ། གཞན་དོན་ཕྲིན་ལས་འགྲུབ་ཅེས་པ་ནི། འདིའི་དོན་ཐམས་ཅད་བསྡུས་ཏེ་བསྟན་པའོ།། ཁམས་ཀྱི་དྲི་མ་སྦྱོང་བའི་ཚུལ་ལ། ཐོག་མས་སྒྲིབ་བྱེད་ཀྱི་དྲི་མ་ངོས་བཟུང་བ་ནི། ཆོས་ལ་ཁོང་ཁྲོ་བདག་ལྟ་དང་། །འཁོར་བའི་སྡུག་བསྔལ་གྱིས་འཇིགས་དང་། །སེམས་ཅན་དོན་ལ་ལྟོས་མེད་ཉིད། །འདོད་ཆེན་མུ་སྟེགས་ཉན་ཐོས་དང་། །རང་བྱུང་རྣམས་ཀྱི་སྒྲིབ་རྣམས་བཞི། །ཞེས་པའོ།། འདི་ནི་རྣམ་པ་གསལ་བའི་དཔེའི་སྒོ་ནས་གང་ལ་ཡོད་པའི་མཚན་ཉིད་དཔེར་བརྗོད་བསྟན་པ་ཡིན་ནོ།། འདིས་སྦྱང་བྱའི་དྲི་མ་ངོས་བཟུང་ནས། དྲི་མ་སྦྱོང་བྱེད་ཀྱི་ལམ་གྱི་རིམ་པ་བསྒོམ་ཚུལ་ནི། ཐོག་མར་དཀོན་མཆོག་གསུམ་ལ་སྐྱབས་སུ་འགྲོ་བ་བསྟན་པ་ནི། ལམ་ཉམས་སུ་ལེན་པའི་དུས་སུ་དཀོན་མཆོག་གསུམ་ལ་སྐྱབས་སུ་འགྲོ་དགོས་པར་བསྟན་ནོ།། སྒྲིབ་པ་བཞི་སེལ་གྱི་གཉེན་པོ་བསྟན་པ་ནི། ཐེག་མཆོག་ལ་མོས་ས་བོན་ཤེས་རབ་ནི། །སངས་རྒྱས་ཆོས་སྐྱེད་མ་དང་བསམ་གཏན་གྱི། །བདེ་བའི་མངལ་གནས་སྙིང་རྗེའི་མ་མ་ཅན། །ཞེས་སོ།། ཐེག་མཆོག་ལ་མོས་ས་བོན་ཞེས་པས་ནི། གཞན་གྱི་དོན་དུ་བྱང་ཆུབ་སེམས་བསྐྱེད་ནས། ཐེག་པ་ཆེན་པོའི་ལམ་དུ་འཇུག་དགོས་པར་བསྟན་པའོ།། འཇུག་བྱའི་ལམ་དངོས་བསྟན་པ་ནི། བདག་མེད་རྟོགས་པའི་ཤེས་རབ་ཀྱིས་བདག་ཏུ་སྲེད་པའི་འཆིང་བ་བཅད་དགོས་པར་བསྟན་ནོ།། བདག་མེད་རྟོགས་པའི་ཤེས་རབ་ཀྱི་གྲོགས། ཞི་གནས་ཕུན་སུམ་ཚོགས་པ་དགོས་སོ་ཞེས་པ་ནི། མཉམ་བཞག་ཏུ་སྒོམ་པའི་རིམ་པ་ཡིན་ནོ།། རྗེས་ཐོབ་ཏུ་སྙིང་རྗེའི་སྒོ་ནས་སེམས་ཅན་གྱི་དོན་བྱེད་དགོས་པ་ནི། ལམ་གྱི་དངོས་གཞི་མཐར་ཕྱིན་པའི་གྲོགས་སུ་བསྟེན་དགོས་པའོ།། འདིས་སྒྲིབ་པ་བཞིའི་གཉེན་པོ་ངོས་བཟུང་ནས། སྒྲིབ་པ་བཞི་དང་བྲལ་བའི་འབྲས་བུ་བསྟན་པ་ནི། གཙང་བདག་བདེ་དང་རྟག་ཉིད་ཀྱི། །ཡོན་ཏན་ཕ་རོལ་ཕྱིན་པ་འབྲས། །ཞེས་པ་མདོར་བསྟན་རྒྱས་བཤད་གཉིས་ཀྱིས་བསྟན་ནོ།། དོན་ཉེ་བར་བསྡུས་པ་ནི། ཐོག་མར་དཀོན་མཆོག་ལ་སྐྱབས་སུ་སོང་ནས་བྱང་ཆུབ་མཆོག་ཏུ་སེམས་བསྐྱེད་དེ། མཉམ་བཞག་ཏུ་ཞི་གནས་དང་། ལྷག་མཐོང་གཉིས་བསྒོམ་ནས་རྗེས་ཐོབ་ཏུ་སྙིང་རྗེས་སེམས་ཅན་གྱི་དོན་བྱེད་ཅེས་པའི་དོན་ནོ།། འདི་དག་གིས་རང་རྒྱུད་ཀྱི་ཁམས་ཀྱི་སྒྲིབ་པ་སྦྱངས་ནས། དྲི་མ་མེད་པའི་བྱང་ཆུབ་ཐོབ་སྟེ་སེམས་ཅན་གྱི་དོན་བྱེད་དོ།། ཞེས་པའི་དོན་ནོ།། ཐེག་ཆེན་རྒྱུད་བླ་ཉམས་སུ་ལེན་པའི་ཚུལ། །ཇི་བཞིན་མ་ནོར་ངག་གིས་བཤད་པའི་དོན། །ལེགས་པར་བསྡུས་ནས་བཤད་པའི་དགེ་བ་དེས། །འགྲོ་ཀུན་བླ་མེད་བྱང་ཆུབ་ཐོབ་པར་ཤོག །ཅེས་རྒྱུད་བླའི་སྒོམ་རིམ་མི་ཕམ་དགོངས་རྒྱན་ཞེས་བྱ་བ་འདི་ནི་རབ་བྱུང་གི་ལོ་ལ་རོང་སྟོན་ཆེན་པོས་དཔལ་ནཱ་ལེནྡྲའི་དགོན་པར་སྦྱར་བའོ།།
