Property:Tibetan
From Buddha-Nature
This is a property of type Text.
T
གང་ཞིག་ཐོག་མ་དབུས་མཐའ་མེད་ཞི་སངས་རྒྱས་ཉིད་རང་རྣམ་སངས་རྒྱས། །<br>སངས་རྒྱས་ནས་ནི་མ་རྟོགས་རྟོགས་ཕྱིར་འཇིག་མེད་རྟག་པའི་ལམ་སྟོན་པ། །<br>མཁྱེན་བརྩེའི་རལ་གྲི་རྡོ་རྗེ་མཆོག་བསྣམས་སྡུག་བསྔལ་མྱུ་གུ་གཅོད་མཛད་ཅིང་། །<br>སྣ་ཚོགས་ལྟ་ཐིབས་ཀྱིས་བསྐོར་ཐེ་ཚོམ་རྩིག་པ་འཇིག་མཛད་དེ་ལ་འདུད། ། +
གལ་ཏེ་སངས་རྒྱས་ཁམས་མེད་ན། །<br>སྡུག་ལའང་སྐྱོ་བར་མི་འགྱུར་ཞིང་། །<br>མྱ་ངན་འདས་ལ་འདོད་པ་དང་། །<br>དོན་གཉེར་སྨོན་པའང་མེད་པར་འགྱུར། ། +
སྲིད་དང་མྱ་ངན་འདས་ལ་དེའི། །<br>སྡུག་བདེའི་སྐྱོན་ཡོན་མཐོང་བ་འདི། །<br>རིགས་ཡོད་ལས་ཡིན་གང་ཕྱིར་དེ། །<br>རིགས་མེད་དག་ལ་མེད་ཕྱིར་རོ། ། +
རྒྱ་མཚོ་ཆེ་བཞིན་དཔག་མེད་པའི། །<br>ཡོན་ཏན་རིན་ཆེན་མི་ཟད་གནས། །<br>དབྱེར་མེད་ཡོན་ཏན་དང་ལྡན་པའི། །<br>ངོ་བོ་ཉིད་ཕྱིར་མར་མེ་བཞིན། ། +
ཆོས་སྐུ་རྒྱལ་བའི་ཡེ་ཤེས་དང་། །<br>ཐུགས་རྗེའི་ཁམས་ནི་བསྡུས་པའི་ཕྱིར། །<br>སྣོད་དང་རིན་ཆེན་ཆུ་ཡིས་ནི། །<br>རྒྱ་མཚོ་དང་ནི་མཚུངས་པར་བསྟན། ། +
དྲི་མེད་གནས་ལ་མངོན་ཤེས་དང་། །<br>ཡེ་ཤེས་དྲི་མེད་དེ་ཉིད་དང་། །<br>རྣམ་དབྱེ་མེད་ཕྱིར་མར་མེ་ཡི། །<br>སྣང་དང་དྲོ་མདོག་ཆོས་མཚུངས་ཅན། ། +
སོ་སོའི་སྐྱེ་འཕགས་རྫོགས་སངས་ཀྱི། །<br>དེ་བཞིན་ཉིད་དབྱེའི་འཇུག་པ་ལས། །<br>དེ་ཉིད་གཟིགས་པས་སེམས་ཅན་ལ། །<br>རྒྱལ་བའི་སྙིང་པོ་འདི་བསྟན་ཏོ། ། +
སོ་སོ་སྐྱེ་བོ་ཕྱིན་ཅི་ལོག །<br>བདེན་པ་མཐོང་བ་བཟློག་པ་སྟེ། །<br>དེ་བཞིན་གཤེགས་པ་ཇི་ལྟ་བཞིན། །<br>ཕྱིན་ཅི་མ་ལོག་སྤྲོས་མེད་ཉིད། ། +
མ་དག་མ་དག་དག་པ་དང་། །<br>ཤིན་ཏུ་རྣམ་དག་གོ་རིམས་བཞིན། །<br>སེམས་ཅན་བྱང་ཆུབ་སེམས་དཔའ་དང་། །<br>དེ་བཞིན་གཤེགས་པ་ཞེས་བརྗོད་དོ། ། +
ངོ་བོ་ཉིད་ལ་སོགས་པའི་དོན། །<br>འདི་དྲུག་གིས་ནི་བསྡུས་པ་ཡི། །<br>ཁམས་ནི་གནས་སྐབས་གསུམ་དག་ཏུ། །<br>མིང་གསུམ་གྱིས་ནི་བསྟན་པ་ཡིན། ། +
ཇི་ལྟར་རྟོག་མེད་བདག་ཉིད་ཅན། །<br>ནམ་མཁའ་ཀུན་ཏུ་རྗེས་སོང་ལྟར། །<br>སེམས་ཀྱི་རང་བཞིན་དྲི་མེད་དབྱིངས། །<br>དེ་བཞིན་ཀུན་ཏུ་འགྲོ་བ་ཉིད། ། +
འདུས་མ་བྱས་ཤིང་ལྷུན་གྱིས་གྲུབ། །<br>གཞན་གྱི་རྐྱེན་གྱིས་རྟོགས་མིན་པ། །<br>མཁྱེན་དང་བརྩེ་དང་ནུས་པར་ལྡན། །<br>དོན་གཉིས་ལྡན་པའི་སངས་རྒྱས་ཉིད། ། +
དེ་སྤྱིའི་མཚན་ཉིད་ཉེས་པ་དང་། །<br>ཡོན་ཏན་མཐར་ཐུག་ཁྱབ་པ་སྟེ། །<br>གཟུགས་ཀྱི་རྣམ་པ་དམན་པ་དང་། །<br>བར་མ་མཆོག་ལ་ནམ་མཁའ་བཞིན། ། +
ཉེས་པ་གློ་བུར་དང་ལྡན་དང་། །<br>ཡོན་ཏན་རང་བཞིན་ཉིད་ལྡན་ཕྱིར། །<br>ཇི་ལྟར་སྔར་བཞིན་ཕྱིས་དེ་བཞིན། །<br>འགྱུར་བ་མེད་པའི་ཆོས་ཉིད་དོ། ། +
ཇི་ལྟར་ནམ་མཁའ་ཀུན་སོང་བ། །<br>ཕྲ་ཕྱིར་ཉེ་བར་གོས་པ་མེད། །<br>དེ་བཞིན་སེམས་ཅན་ཐམས་ཅད་ལ། །<br>གནས་འདི་ཉེ་བར་གོས་པ་མེད། ། +
ཇི་ལྟར་འཇིག་རྟེན་ཐམས་ཅད་དུ། །<br>ནམ་མཁའ་ལ་ནི་སྐྱེ་ཞིང་འཇིག །<br>དེ་བཞིན་འདུས་མ་བྱས་དབྱིངས་ལ། །<br>དབང་པོ་རྣམས་ནི་སྐྱེ་ཞིང་འཇིག ། +
ཇི་ལྟར་ནམ་མཁའ་མེ་རྣམས་ཀྱིས། །<br>སྔོན་ཆད་ནམ་ཡང་ཚིག་པ་མེད། །<br>དེ་བཞིན་འདི་ནི་འཆི་བ་དང་། །<br>ན་དང་རྒ་བའི་མེས་མི་འཚིག ། +
ས་ནི་ཆུ་ལ་ཆུ་རླུང་ལ། །<br>རླུང་ནི་མཁའ་ལ་རབ་ཏུ་གནས། །<br>མཁའ་ནི་རླུང་དང་ཆུ་དག་དང་། །<br>ས་ཡི་ཁམས་ལ་གནས་མ་ཡིན། ། +
དེ་བཞིན་ཕུང་པོ་ཁམས་དབང་རྣམས། །<br>ལས་དང་ཉོན་མོངས་དག་ལ་གནས། །<br>ལས་དང་ཉོན་མོངས་ཚུལ་བཞིན་མིན། །<br>ཡིད་ལ་བྱེད་ལ་རྟག་ཏུ་གནས། ། +
ཚུལ་བཞིན་མ་ཡིན་ཡིད་བྱེད་ནི། །<br>སེམས་ཀྱི་དག་པ་ལ་རབ་གནས། །<br>སེམས་ཀྱི་རང་བཞིན་ཆོས་རྣམས་ནི། །<br>ཐམས་ཅད་ལ་ཡང་གནས་པ་མེད། ། +
