Property:Tibetan
From Buddha-Nature
This is a property of type Text.
T
ཇི་ལྟར་སྤྲིན་མེད་མཁའ་ཡི་ཟླ་བའི་གཟུགས། །<br>སྟོན་ཀའི་ཆུ་སྔོན་མཚོར་ནི་མཐོང་བ་ལྟར། །<br>དེ་བཞིན་རྒྱལ་སྲས་ཚོགས་ཀྱི་ཁྱབ་བདག་གཟུགས། །<br>རྫོགས་སངས་དཀྱིལ་འཁོར་ནང་དུ་མཐོང་བར་འགྱུར། ། +
ཡོན་ཏན་དྲུག་ཅུ་རྩ་བཞི་པོ། །<br>འདི་དག་སོ་སོར་རྒྱུ་བཅས་ཏེ། །<br>གོ་རིམས་ཇི་བཞིན་རིན་ཆེན་གྱི། །<br>མདོ་ཡི་རྗེས་འབྲང་ཤེས་པར་བྱ། ། +
མི་ཕྱེད་པ་དང་མི་ཞན་དང་། །<br>མཚུངས་པ་མེད་ཕྱིར་གཡོ་མེད་ཕྱིར། །<br>རྡོ་རྗེ་སེང་གེ་མཁའ་དག་པའི། །<br>ཆུ་ཡི་ཟླ་བའི་དཔེས་བསྟན་ཏོ། ། +
སྟོབས་སོགས་རྣམས་ལས་སྟོབས་དྲུག་དང་། །<br>གསུམ་དང་གཅིག་གིས་རིམ་པ་བཞིན། །<br>ཤེས་བྱ་སྙོམས་པར་འཇུག་པ་དང་། །<br>བག་ཆགས་བཅས་པ་ཀུན་བསལ་བས། ། +
དང་པོའི་སྐུ་ནི་སྟོབས་ལ་སོགས། །<br>བྲལ་བའི་ཡོན་ཏན་རྣམས་དང་ལྡན། །<br>གཉིས་པ་སྐྱེས་བུ་ཆེན་པོའི་མཚན། །<br>རྣམ་སྨིན་ཡོན་ཏན་དག་དང་ལྡན། ། +
གོ་ཆ་རྩིག་པ་ཤིང་བཞིན་དུ། །<br>ཕུག་དང་བཤིག་དང་བཅད་ཕྱིར་རོ། །<br>བརླིང་དང་སྙིང་བརྟན་མི་ཕྱེད་པས། །<br>དྲང་སྲོང་སྟོབས་ནི་རྡོ་རྗེ་འདྲ། ། +
གང་ཕྱིར་བརླིང་བ་སྙིང་པོའི་ཕྱིར། །<br>གང་ཕྱིར་སྙིང་པོ་བརྟན་པའི་ཕྱིར། །<br>གང་ཕྱིར་བརྟན་པ་མི་ཕྱེད་ཕྱིར། །<br>མི་ཕྱེད་ཕྱིར་ན་རྡོ་རྗེ་བཞིན། ། +
འཇིགས་པ་མེད་ཕྱིར་ལྟོས་མེད་ཕྱིར། །<br>བརྟན་ཕྱིར་རྩལ་ནི་ཕུན་ཚོགས་པས། །<br>ཐུབ་པ་སེང་གེ་སེང་གེ་བཞིན། །<br>འཁོར་གྱི་ཚོགས་སུ་འཇིགས་མི་མངའ། ། +
ཀུན་མངོན་མཁྱེན་པས་གང་ལས་ཀྱང་། །<br>འཇིགས་མེད་པར་ནི་རྣམ་པར་གནས། །<br>དག་པའི་སེམས་ཅན་དང་ཡང་བདག །<br>མི་མཉམ་གཟིགས་ཕྱིར་ལྟོས་པ་མེད། ། +
ཐུགས་ནི་ཆོས་རྣམས་ཐམས་ཅད་ལ། །<br>རྩེ་གཅིག་ཕྱིར་ན་བརྟན་པ་ཉིད། །<br>མཆོག་ཏུ་མ་རིག་བག་ཆགས་ཀྱི། །<br>ས་ལས་བརྒལ་ཕྱིར་རྩལ་ལྡན་ནོ། ། +
འཇིག་རྟེན་ཉན་ཐོས་མཐའ་གཅིག་ཏུ། །<br>སྤྱོད་དང་བློ་ལྡན་རང་བྱུང་རྣམས། །<br>གོང་ནས་གོང་དུ་བློ་དག་ནི། །<br>ཕྲ་ཕྱིར་དཔེ་ནི་རྣམ་པ་ལྔ། ། +
འཇིག་རྟེན་ཀུན་གྱི་ཉེར་འཚོའི་ཕྱིར། །<br>ས་ཆུ་མེ་རླུང་རྣམས་དང་མཚུངས། །<br>འཇིག་རྟེན་འཇིག་རྟེན་འདས་པ་ཡི། །<br>མཚན་ཉིད་ལས་འདས་ནམ་མཁའ་བཞིན། ། +
དེ་དག་ཡོན་ཏན་སུམ་ཅུ་ནི། །<br>གཉིས་འདི་ཆོས་སྐུས་རབ་ཕྱེ་སྟེ། །<br>ནོར་བུ་རིན་ཆེན་འོད་མདོག་དང་། །<br>དབྱིབས་བཞིན་དབྱེ་བ་མེད་ཕྱིར་རོ། ། +
མཐོང་ན་ཚིམ་བྱེད་ཡོན་ཏན་གང་། །<br>སུམ་ཅུ་རྩ་གཉིས་ཞེས་བྱ་བ། །<br>སྤྲུལ་པ་ཆོས་ལ་རྫོགས་པར་ནི། །<br>ལོངས་སྤྱོད་རྫོགས་སྐུ་གཉིས་ལ་བརྟེན། ། +
དག་ལས་རིང་དང་ཉེ་རྣམས་ལས། །<br>འཇིག་རྟེན་རྒྱལ་བའི་དཀྱིལ་འཁོར་དུ། །<br>ཆུ་དང་ནམ་མཁའ་ཟླ་གཟུགས་བཞིན། །<br>དེ་མཐོང་བ་ནི་རྣམ་པ་གཉིས། ། +
སྟོབས་ཉིད་མ་རིག་སྒྲིབ་ལ་རྡོ་རྗེ་བཞིན། །<br>མི་འཇིགས་ཉིད་ནི་འཁོར་དུ་སེང་གེ་བཞིན། །<br>དེ་བཞིན་གཤེགས་པ་མ་འདྲེས་མཁའ་བཞིན་ཏེ། །<br>ཐུབ་པའི་བསྟན་པ་རྣམ་གཉིས་ཆུ་ཟླ་བཞིན། ། +
གནས་དང་གནས་མིན་ལས་རྣམས་ཀྱི། །<br>རྣམ་སྨིན་དང་ནི་དབང་པོ་དང་། །<br>ཁམས་རྣམས་དང་ནི་མོས་པ་དང་། །<br>ཀུན་འགྲོའི་ལམ་དང་བསམ་གཏན་སོགས། ། +
ཉོན་མོངས་དྲི་མ་མེད་པ་དང་། །<br>གནས་ནི་རྗེས་སུ་དྲན་པ་དང་། །<br>ལྷ་ཡི་མིག་དང་ཞི་བ་དག །<br>མཁྱེན་པའི་སྟོབས་ནི་རྣམ་པ་བཅུ། ། +
གནས་དང་གནས་མིན་རྣམ་སྨིན་ཁམས་དང་འགྲོ་བའི་མོས་པ་སྣ་ཚོགས་དང་། །<br>ཉོན་མོངས་རྣམ་བྱང་དབང་པོའི་ཚོགས་དང་སྔོན་གནས་རྗེས་སུ་དྲན་པ་དང་། །<br>ལྷ་ཡི་མིག་དང་ཟག་པ་ཟད་ཚུལ་མི་ཤེས་གོ་ཆ་རྩིག་བརྟན་དང་། །<br>ཤིང་རྣམས་འབིགས་དང་འཇིག་དང་གཅོད་ཕྱིར་སྟོབས་གང་ཡིན་པ་རྡོ་རྗེ་བཞིན། ། +
ཆོས་སྐུ་རྫོགས་པར་བྱང་ཆུབ་དང་། །<br>གེགས་ནི་འགོག་པར་བྱེད་པ་དང་། །<br>ལམ་སྟོན་པ་དང་འགོག་སྟོན་ལ། །<br>མི་འཇིགས་པ་ནི་རྣམ་པ་བཞི། ། +
