Property:Tibetan
From Buddha-Nature
This is a property of type Text.
T
རང་བྱུང་རྣམས་ཀྱི་དོན་དམ་དེ། །<br>དད་པ་ཉིད་ཀྱིས་རྟོགས་བྱ་ཡིན། །<br>ཉི་མའི་དཀྱིལ་འཁོར་འོད་འབར་བ། །<br>མིག་མེད་པས་ནི་མཐོང་བ་མེད། ། +
འདི་ལ་བསལ་བྱ་ཅི་ཡང་མེད། །<br>གཞག་པར་བྱ་བ་ཅུང་ཟད་མེད། །<br>ཡང་དག་ཉིད་ལ་ཡང་དག་ལྟ། །<br>ཡང་དག་མཐོང་ནས་རྣམ་པར་གྲོལ། ། +
རྣམ་དབྱེར་བཅས་པའི་མཚན་ཉིད་ཅན། །<br>གློ་བུར་དག་གིས་ཁམས་སྟོང་གི། །<br>རྣམ་དབྱེར་མེད་པའི་མཚན་ཉིད་ཅན། །<br>བླ་མེད་ཆོས་ཀྱིས་སྟོང་མ་ཡིན། ། +
སྤྲིན་དང་རྨི་ལམ་སྒྱུ་བཞིན་དེ་དང་དེར། །<br>ཤེས་བྱ་ཐམས་ཅད་རྣམ་ཀུན་སྟོང་པ་ཞེས། །<br>གསུངས་ནས་ཡང་འདིར་རྒྱལ་རྣམས་སེམས་ཅན་ལ། །<br>སངས་རྒྱས་སྙིང་པོ་ཡོད་ཅེས་ཅི་སྟེ་གསུངས། ། +
ཡང་དག་མཐའ་ནི་འདུས་བྱས་ཀྱིས། །<br>རྣམ་པ་ཐམས་ཅད་དབེན་པ་སྟེ། །<br>ཉོན་མོངས་ལས་དང་རྣམ་སྨིན་དོན། །<br>སྤྲིན་ལ་སོགས་པ་བཞིན་དུ་བརྗོད། ། +
ཉོན་མོངས་སྤྲིན་འདྲ་བྱ་བ་ཡིན། །<br>ལས་ནི་རྨི་ལམ་ལོངས་སྤྱོད་བཞིན། །<br>ཉོན་མོངས་ལས་ཀྱི་རྣམ་པར་སྨིན། །<br>ཕུང་པོ་སྒྱུ་མ་སྤྲུལ་པ་བཞིན། ། +
ཤེས་བྱ་མཐར་ཐུག་རྟོགས་པའི་བློས། །<br>ཐམས་ཅད་མཁྱེན་པའི་ཆོས་ཉིད་ནི། །<br>སེམས་ཅན་ཐམས་ཅད་ལ་ཡོད་པར། །<br>མཐོང་ཕྱིར་ཇི་སྙེད་ཡོད་པ་ཉིད། ། +
སྔར་ནི་དེ་ལྟར་རྣམ་བཞག་ནས། །<br>སླར་ཡང་བླ་མའི་རྒྱུད་འདིར་ནི། །<br>ཉེས་པ་ལྔ་དག་སྤང་བའི་ཕྱིར། །<br>ཁམས་ཡོད་ཉིད་ཅེས་བསྟན་པ་ཡིན། ། +
འདི་ལྟར་དེ་ནི་མ་ཐོས་པར། །<br>བདག་ལ་བརྙས་པའི་ཉེས་པ་ཡིས། །<br>སེམས་ནི་ཞུམ་པ་འགའ་ཞིག་ནས། །<br>བྱང་ཆུབ་སེམས་ནི་སྐྱེ་མི་འགྱུར། ། +
གང་ལ་བྱང་ཆུབ་སེམས་སྐྱེས་པས། །<br>བདག་ནི་མཆོག་ཅེས་རློམ་པ་ན། །<br>བྱང་ཆུབ་སེམས་མ་སྐྱེས་པ་ལ། །<br>དམན་པའི་འདུ་ཤེས་རབ་ཏུ་འཇུག ། +
དེ་ལྟར་སེམས་པ་དེ་ལ་ནི། །<br>ཡང་དག་ཤེས་པ་མི་སྐྱེ་བ། །<br>དེས་ན་ཡང་དག་མིན་འཛིན་ཅིང་། །<br>ཡང་དག་དོན་ནི་རིག་མི་འགྱུར། ། +
བཅོས་མ་གློ་བུར་བ་ཉིད་ཕྱིར། །<br>སེམས་ཅན་སྐྱོན་དེ་ཡང་དག་མིན། །<br>ཡང་དག་ཉེས་དེ་བདག་མེད་པ། །<br>ཡོན་ཏན་རང་བཞིན་དག་པ་ཡིན། ། +
ཡང་དག་མིན་པའི་ཉེས་འཛིན་ཅིང་། །<br>ཡང་དག་ཡོན་ཏན་སྐུར་འདེབས་པ། །<br>བློ་ལྡན་བདག་དང་སེམས་ཅན་ལ། །<br>མཚུངས་མཐོང་བྱམས་པ་ཐོབ་མི་འགྱུར། ། +
འདི་ལྟར་དེ་ནི་ཐོས་པ་ལས། །<br>སྤྲོ་དང་སྟོན་པ་བཞིན་གུས་དང་། །<br>ཤེས་རབ་ཡེ་ཤེས་བྱམས་ཆེན་སྐྱེ། །<br>ཆོས་ལྔ་སྐྱེ་ཕྱིར་དེ་ལས་ནི། ། +
ཁ་ན་མ་ཐོ་མེད་མཚུངས་ལྟ། །<br>སྐྱོན་མེད་ཡོན་ཏན་ལྡན་པ་དང་། །<br>བདག་དང་སེམས་ཅན་མཚུངས་བྱམས་ལས། །<br>སངས་རྒྱས་ཉིད་ནི་མྱུར་དུ་འཐོབ། ། +
དེ་ལྟར་རྟོགས་པ་གང་ཡིན་དེ། །<br>སོ་སོ་རང་ཤེས་མཐོང་བ་ཉིད། །<br>དྲི་མེད་དབྱིངས་ལ་ཆགས་མེད་དང་། །<br>ཐོགས་མེད་ཕྱིར་དེ་དག་པ་ཡིན། ། +
ཡེ་ཤེས་གཟིགས་པ་དག་པས་ན། །<br>སངས་རྒྱས་ཡེ་ཤེས་བླ་མེད་ཕྱིར། །<br>འཕགས་པ་ཕྱིར་མི་ལྡོག་པ་ནི། །<br>ལུས་ཅན་ཀུན་གྱི་སྐྱབས་ཡིན་ནོ། ། +
སྟོན་པ་བསྟན་པ་བསླབ་དོན་གྱིས། །<br>ཐེག་པ་གསུམ་དང་བྱེད་གསུམ་ལ། །<br>མོས་པ་རྣམས་ཀྱི་དབང་བྱས་ནས། །<br>སྐྱབས་གསུམ་རྣམ་པར་བཞག་པ་ཡིན། ། +
འདི་དག་རང་མཚན་ཉིད་ཀྱི་རྗེས་འབྲེལ་བ། །<br>
གོ་རིམས་ཇི་བཞིན་གཟུངས་ཀྱི་རྒྱལ་པོའི་མདོར། །<br>
གླེང་གཞི་ལས་ནི་གནས་གསུམ་རིག་བྱ་སྟེ། །<br>
བཞི་ནི་བློ་ལྡན་རྒྱལ་ཆོས་དབྱེ་བ་ལས། །<br> +
སྤང་ཕྱིར་བསླུ་བའི་ཆོས་ཅན་ཕྱིར། །<br>མེད་ཕྱིར་འཇིགས་དང་བཅས་པའི་ཕྱིར། །<br>ཆོས་རྣམས་གཉིས་དང་འཕགས་པའི་ཚོགས། །<br>གཏན་གྱི་སྐྱབས་མཆོག་མ་ཡིན་ནོ། ། +
