Property:Tibetan
From Buddha-Nature
This is a property of type Text.
T
ས་དང་འདྲ་བ་ཕུང་པོ་དང་། །<br>སྐྱེ་མཆེད་ཁམས་རྣམས་ཤེས་པར་བྱ། །<br>ཆུ་ཁམས་དང་འདྲ་ལུས་ཅན་གྱི། །<br>ལས་དང་ཉོན་མོངས་ཤེས་བྱ་སྟེ། ། +
ཚུལ་བཞིན་མ་ཡིན་ཡིད་བྱེད་ནི། །<br>རླུང་གི་ཁམས་དང་འདྲ་བར་ལྟ། །<br>རང་བཞིན་ནམ་མཁའི་ཁམས་བཞིན་དུ། །<br>དེ་བཞིན་ཅན་མིན་གནས་པ་མེད། ། +
ཐོག་མ་དབུས་མཐའ་མེད་པ་ཡི། །<br>རང་བཞིན་ཡིན་ཕྱིར་འདུས་མ་བྱས། །<br>ཞི་བ་ཆོས་ཀྱི་སྐུ་ཅན་ཕྱིར། །<br>ལྷུན་གྱིས་གྲུབ་ཅེས་བྱ་བར་བརྗོད། ། +
ཚུལ་བཞིན་མ་ཡིན་ཡིད་བྱེད་ནི། །<br>སེམས་ཀྱི་རང་བཞིན་ལ་གནས་ཏེ། །<br>ཚུལ་བཞིན་མ་ཡིན་ཡིད་བྱེད་ཀྱིས། །<br>ལས་དང་ཉོན་མོངས་རབ་ཏུ་ཕྱེ། ། +
ལས་དང་ཉོན་མོངས་ཆུ་ལས་ནི། །<br>ཕུང་པོ་སྐྱེ་མཆེད་ཁམས་རྣམས་འབྱུང་། །<br>དེ་འཇིག་པ་དང་ཆགས་པ་ལྟར། །<br>སྐྱེ་དང་འཇིག་པར་འགྱུར་བ་ཡིན། ། +
སེམས་ཀྱི་རང་བཞིན་ནམ་མཁའ་ཡི། །<br>ཁམས་ལྟར་རྒྱུ་མེད་རྐྱེན་མེད་དེ། །<br>ཚོགས་པ་མེད་ཅིང་སྐྱེ་བ་དང་། །<br>འཇིག་དང་གནས་ལའང་ཡོད་མ་ཡིན། ། +
སེམས་ཀྱི་རང་བཞིན་འོད་གསལ་གང་ཡིན་པ། །<br>དེ་ནི་ནམ་མཁའ་བཞིན་དུ་འགྱུར་མེད་དེ། །<br>ཡང་དག་མིན་རྟོགས་ལས་བྱུང་འདོད་ཆགས་སོགས། །<br>གློ་བུར་དྲི་མས་དེ་ཉོན་མོངས་མི་འགྱུར། ། +
ལས་དང་ཉོན་མོངས་ཆུ་སོགས་ཀྱིས། །<br>འདི་ནི་མངོན་པར་འགྲུབ་མིན་ཏེ། །<br>འཆི་དང་ན་དང་རྒ་བའི་མེ། །<br>མི་བཟད་པས་ཀྱང་འཚིག་མི་འགྱུར། ། +
དུས་མཐའ་དམྱལ་བ་ཐ་མལ་པའི། །<br>མེ་གསུམ་འཆི་དང་ན་བ་དང་། །<br>རྒ་བའི་མེ་གསུམ་རིམ་བཞིན་དུ། །<br>དེ་དག་འདྲ་བར་ཤེས་པར་བྱ། ། +
སྐྱེ་འཆི་ན་དང་རྒ་བ་ལས་གྲོལ་བ། །<br>འདི་ཡི་རང་བཞིན་ཇི་བཞིན་ཉིད་རྟོགས་ཏེ། །<br>སྐྱེ་སོགས་ཕོངས་དང་བྲལ་ཡང་དེ་ཡི་རྒྱུས། །<br>བློ་ལྡན་འགྲོ་ལ་སྙིང་རྗེ་བསྐྱེད་ཕྱིར་བསྟེན། ། +
འཕགས་པས་འཆི་དང་ན་བ་དང་། །<br>རྒ་བའི་སྡུག་བསྔལ་རྩད་ནས་སྤངས། །<br>ལས་དང་ཉོན་མོངས་དབང་གིས་སྐྱེ། །<br>དེ་ལ་དེ་མེད་ཕྱིས་དེ་མེད། ། +
ཇི་བཞིན་ཡང་དག་མཐོང་བའི་ཕྱིར། །<br>སྐྱེ་སོགས་རྣམས་ལས་འདས་གྱུར་ཀྱང་། །<br>སྙིང་རྗེའི་བདག་ཉིད་སྐྱེ་བ་དང་། །<br>འཆི་དང་རྒ་དང་ན་བར་སྟོན། ། +
རྒྱལ་སྲས་འགྱུར་མེད་ཆོས་ཉིད་འདི། །<br>རྟོགས་ནས་མ་རིག་ལྡོངས་རྣམས་ཀྱིས། །<br>སྐྱེ་བ་ལ་སོགས་དག་ཏུ་ནི། །<br>མཐོང་བ་གང་ཡིན་དེ་སྨད་དོ། ། +
སོ་སོ་རང་གིས་རྟོགས་བྱའི་ཕྱིར། །<br>གཞན་གྱི་རྐྱེན་གྱིས་རྟོགས་མིན་པ། །<br>དེ་ལྟར་རྣམ་གསུམ་རྟོགས་ཕྱིར་མཁྱེན། །<br>ལམ་སྟོན་ཕྱིར་ན་ཐུགས་བརྩེ་བ། ། +
འཕགས་པའི་སྤྱོད་ཡུལ་ཐོབ་པ་གང་། །<br>བྱིས་པའི་སྤྱོད་ཡུལ་དུ་སྟོན་ཏེ། །<br>དེ་ཉིད་ཕྱིར་ན་འགྲོ་བ་ཡི། །<br>གཉེན་གྱི་ཐབས་དང་སྙིང་རྗེ་མཆོག ། +
དེ་ནི་འཇིག་རྟེན་ཐམས་ཅད་ལས། །<br>འདས་ཀྱང་འཇིག་རྟེན་ལས་མ་གཡོས། །<br>འཇིག་རྟེན་དོན་དུ་འཇིག་རྟེན་ན། །<br>འཇིག་རྟེན་དྲི་མས་མ་གོས་སྤྱོད། ། +
ཇི་ལྟར་པདྨ་ཆུ་ནང་དུ། །<br>སྐྱེས་པ་ཆུ་ཡིས་གོས་པ་མེད། །<br>དེ་བཞིན་འདི་ནི་འཇིག་རྟེན་དུ། །<br>སྐྱེས་ཀྱང་འཇིག་རྟེན་ཆོས་མི་གོས། ། +
བྱ་བ་སྒྲུབ་ལ་རྟག་ཏུ་བློ། །<br>མེ་བཞིན་དུ་ནི་འབར་བ་དང་། །<br>ཞི་བའི་བསམ་གཏན་སྙོམས་འཇུག་ལ། །<br>རྟག་ཏུ་སྙོམས་པར་ཞུགས་པ་ཡིན། ། +
སྔོན་གྱི་འཕེན་པའི་དབང་དང་ནི། །<br>རྣམ་རྟོག་ཐམས་ཅད་བྲལ་བའི་ཕྱིར། །<br>དེ་ནི་ལུས་ཅན་སྨིན་པ་ཡི། །<br>དོན་དུ་འབད་པ་བྱེད་མ་ཡིན། ། +
བསྟན་དང་གཟུགས་སྐུ་དག་དང་ནི། །<br>སྤྱོད་དང་སྤྱོད་ལམ་གྱིས་ཀྱང་རུང་། །<br>གང་ཞིག་ཇི་ལྟར་གང་གིས་འདུལ། །<br>དེས་དེ་དེ་ལྟ་ཉིད་དུ་ཤེས། ། +
