Property:Tibetan
From Buddha-Nature
This is a property of type Text.
T
ཐོག་མ་དབུས་མཐའ་མེད་ཅིང་རྣམ་དབྱེར་མེད། །<br>གཉིས་མེད་གསུམ་བྲལ་དྲི་མེད་རྣམ་རྟོག་མེད། །<br>ཆོས་དབྱིངས་རང་བཞིན་གང་ཡིན་དེ་རྟོགས་པ། །<br>མཉམ་པར་བཞག་པའི་རྣལ་འབྱོར་པ་ཡིས་མཐོང་། ། +
གཞལ་མེད་གང་གཱའི་བྱེ་མ་ལས་འདས་པ། །<br>བསམ་མེད་མཉམ་མེད་ཡོན་ཏན་རྣམས་དང་ལྡན། །<br>དེ་བཞིན་གཤེགས་པའི་དྲི་མེད་དབྱིངས་དེ་ནི། །<br>བག་ཆགས་བཅས་པའི་ཉེས་པ་རྣམ་སྤངས་པའོ། ། +
སངས་རྒྱས་ཉིད་ནི་དབྱེར་མེད་པ། །<br>དག་པའི་ཆོས་ཀྱིས་རབ་ཕྱེ་བ། །<br>ཉི་མ་མཁའ་བཞིན་ཡེ་ཤེས་དང་། །<br>སྤངས་པ་གཉིས་ཀྱི་མཚན་ཉིད་དོ། ། +
སྣ་ཚོགས་དམ་ཆོས་འོད་ཟེར་མངའ་བའི་སྐུས། །<br>འགྲོ་བའི་རྣམ་གྲོལ་དོན་གྲུབ་ལ་བརྩོན་པ། །<br>མཛད་པ་ཡིད་བཞིན་ནོར་བུའི་རྒྱལ་བཞིན་ཏེ། །<br>སྣ་ཚོགས་དངོས་ཀྱང་དེ་ཡི་རང་བཞིན་མིན། ། +
འཇིག་རྟེན་ཞི་བའི་ལམ་ལ་འཇུག་པ་དང་། །<br>རབ་ཏུ་སྨིན་དང་ལུང་སྟོན་རྒྱུ་ཡི་གཟུགས། །<br>གང་ཡིན་དེ་ཡང་འདིར་ནི་རྟག་གནས་ཏེ། །<br>ནམ་མཁའི་ཁམས་སུ་གཟུགས་ཀྱི་ཁམས་བཞིན་ནོ། ། +
རང་བྱུང་རྣམས་ཀྱི་ཐམས་ཅད་མཁྱེན། །<br>སངས་རྒྱས་ཉིད་ཅེས་གང་བརྗོད་པ། །<br>མཆོག་ཏུ་མྱ་ངན་འདས་བསམ་མེད། །<br>དགྲ་བཅོམ་སོ་སོའི་བདག་གྱུར་པ། ། +
དེ་དབྱེ་ཟབ་དང་རྒྱ་ཆེ་དང་། །<br>བདག་ཉིད་ཆེན་པོའི་ཡོན་ཏན་གྱི། །<br>ཆོས་ཀྱིས་རབ་ཕྱེ་རང་བཞིན་ལ། །<br>སོགས་པའི་སྐུ་གསུམ་དག་གིས་འཇུག ། +
དེ་ལ་སངས་རྒྱས་རྣམས་ཀྱི་ནི། །<br>ངོ་བོ་ཉིད་སྐུ་མཚན་ཉིད་ལྔ། །<br>མདོར་ན་ཡོན་ཏན་ལྔ་དང་ནི། །<br>ལྡན་པ་ཉིད་དུ་རིག་པར་བྱ། ། +
འདུས་མ་བྱས་ཤིང་རྣམ་དབྱེར་མེད། །<br>མཐའ་གཉིས་དག་ནི་རྣམ་པར་སྤངས། །<br>ཉོན་མོངས་ཤེས་བྱ་སྙོམས་འཇུག་གི། །<br>སྒྲིབ་གསུམ་ལས་ནི་ངེས་གྲོལ་ཏེ། ། +
དྲི་མེད་རྣམ་པར་རྟོག་མེད་དང་། །<br>རྣལ་འབྱོར་རྣམས་ཀྱི་ཡུལ་ཡིན་ཕྱིར། །<br>ཆོས་དབྱིངས་ངོ་བོ་ཉིད་ཀྱིས་ནི། །<br>དག་པའི་ཕྱིར་ན་འོད་གསལ་བ། ། +
གཞལ་མེད་གྲངས་མེད་བསམ་མེད་པ། །<br>མཉམ་མེད་དག་པའི་མཐར་ཐུག་པའི། །<br>ཡོན་ཏན་རྣམས་དང་ཡང་དག་པར། །<br>ངོ་བོ་ཉིད་ཀྱི་སྐུ་ལྡན་ཏེ། ། +
རྒྱ་ཆེའི་ཕྱིར་དང་གྲངས་མེད་ཕྱིར། །<br>རྟོག་གེའི་ཡུལ་ནི་མིན་ཕྱིར་དང་། །<br>འབའ་ཞིག་བག་ཆགས་བཅས་སྤང་ཕྱིར། །<br>གཞལ་མེད་ལ་སོགས་གོ་རིམས་བཞིན། ། +
སྣ་ཚོགས་ཆོས་ལ་རྫོགས་ལོངས་སྤྱོད། །<br>རང་བཞིན་ཆོས་ནི་སྣང་ཕྱིར་དང་། །<br>ཐུགས་རྗེ་དག་པའི་རྒྱུ་མཐུན་པ། །<br>འགྲོ་དོན་རྒྱུན་མི་འཆད་ཕྱིར་དང་། ། +
འོད་གསལ་བྱས་མིན་དབྱེར་མེད་པར། །<br>འཇུག་ཅན་གང་གཱའི་ཀླུང་གི་ནི། །<br>རྡུལ་ལས་འདས་ཕྱིར་སངས་རྒྱས་ཀྱི། །<br>ཆོས་རྣམས་ཀུན་དང་ལྡན་པ་ཉིད། ། +
རྣམ་པར་རྟོག་མེད་ལྷུན་གྲུབ་པར། །<br>འདོད་པ་ཇི་བཞིན་ཡོངས་སྐོང་ཕྱིར། །<br>ཡིད་བཞིན་ནོར་བུའི་རྫུ་འཕྲུལ་གྱིས། །<br>རྫོགས་པར་ལོངས་སྤྱོད་རྣམ་པར་གནས། ། +
བརྗོད་སྟོན་མཛད་རྒྱུན་མི་འཆད་དང་། །<br>མངོན་པར་འདུ་བྱེད་མེད་པ་དང་། །<br>དེ་ཡི་ངོ་བོ་མིན་སྟོན་ལ། །<br>འདིར་ནི་སྣ་ཚོགས་རྣམ་ལྔར་སྟོན། ། +
ཇི་ལྟར་ཚོན་ནི་སྣ་ཚོགས་ཀྱིས། །<br>ནོར་བུ་དེ་དངོས་མིན་སྣང་ལྟར། །<br>དེ་བཞིན་འགྲོ་རྐྱེན་སྣ་ཚོགས་པས། །<br>ཁྱབ་བདག་དེ་དངོས་མིན་པར་སྣང་། ། +
ཐུགས་རྗེ་ཆེན་པོས་འཇིག་རྟེན་མཁྱེན། །<br>འཇིག་རྟེན་ཀུན་ལ་གཟིགས་ནས་ནི། །<br>ཆོས་ཀྱི་སྐུ་ལས་མ་གཡོས་པར། །<br>སྤྲུལ་པའི་རང་བཞིན་སྣ་ཚོགས་ཀྱིས། ། +
སྐྱེ་བ་མངོན་པར་སྐྱེ་བ་དང་། །<br>དགའ་ལྡན་གནས་ནས་འཕོ་བ་དང་། །<br>ལྷུམས་སུ་འཇུག་དང་བལྟམས་པ་དང་། །<br>བཟོ་ཡི་གནས་ལ་མཁས་པ་དང་། ། +
བཙུན་མོའི་འཁོར་དགྱེས་རོལ་པ་དང་། །<br>ངེས་འབྱུང་དཀའ་བ་སྤྱོད་པ་དང་། །<br>བྱང་ཆུབ་སྙིང་པོར་གཤེགས་པ་དང་། །<br>བདུད་སྡེ་འཇོམས་དང་རྫོགས་པར་ནི། ། +
