Property:Tibetan
From Buddha-Nature
This is a property of type Text.
T
དྲི་མེད་ཆུ་ལྡན་རིམ་རྒྱས་པདྨས་ཁེབས་པའི་མཚོ་བཞིན་དང་། །<br>སྒྲ་གཅན་ཁ་ནས་ཐར་བའི་ཟླ་བ་ཉ་བ་ལྟ་བུ་དང་། །<br>སྤྲིན་ཚོགས་ཉོན་མོངས་དག་ལས་གྲོལ་བའི་ཉི་མ་ལྟ་བུར་ནི། །<br>དྲི་མེད་ཡོན་ཏན་ལྡན་ཕྱིར་འོད་ཟེར་སྣང་ལྡན་དེ་ཉིད་དོ། ། +
ཐུབ་པ་ཁྱུ་མཆོག་སྦྲང་རྩི་སྙིང་པོ་དང་། །<br>རིན་ཆེན་གསེར་དང་གཏེར་དང་ལྗོན་པ་བཞིན། །<br>དྲི་མེད་རིན་ཆེན་བདེ་གཤེགས་སྐུ་དང་ནི། །<br>ས་བདག་གསེར་གྱི་གཟུགས་འདྲ་རྒྱལ་བ་ཉིད། ། +
རང་དོན་གཞན་དོན་དོན་དམ་སྐུ་དང་ནི། །<br>དེ་ལ་བརྟེན་པ་ཀུན་རྫོབ་སྐུ་ཉིད་དེ། །<br>བྲལ་དང་རྣམ་པར་སྨིན་པའི་འབྲས་བུ་ནི། །<br>ཡོན་ཏན་དབྱེ་བ་དྲུག་ཅུ་བཞི་འདི་དག ། +
རི་དགས་དབང་པོ་ཇི་ལྟར་ནགས་མཐར་རྟག་འཇིག་མེད། །<br>རི་དགས་རྣམས་ལ་སྐྲག་པ་མེད་པར་རྒྱུ་བ་ལྟར། །<br>དེ་བཞིན་ཚོགས་ནང་ཐུབ་པའི་དབང་པོ་སེང་གེ་ཡང་། །<br>ལེགས་གནས་ལྟོས་མེད་བརྟན་པའི་རྩལ་དང་ལྡན་པར་གནས། ། +
འཁྲུལ་དང་ཅ་ཅོ་མི་མངའ་སྟེ། །<br>སྟོན་ལ་དྲན་པ་ཉམས་མི་མངའ། །<br>མཉམ་པར་མ་བཞག་ཐུགས་མི་མངའ། །<br>འདུ་ཤེས་སྣ་ཚོགས་ཀྱང་མི་མངའ། ། +
མ་བརྟགས་བཏང་སྙོམས་མི་མངའ་སྟེ། །<br>འདུན་དང་བརྩོན་འགྲུས་དྲན་པ་དང་། །<br>ཤེས་རབ་རྣམ་གྲོལ་རྣམ་གྲོལ་གྱི། །<br>ཡེ་ཤེས་གཟིགས་པ་ཉམས་མི་མངའ། ། +
ལས་རྣམས་ཡེ་ཤེས་སྔོན་འགྲོ་དང་། །<br>དུས་ལ་ཡེ་ཤེས་སྒྲིབ་པ་མེད། །<br>དེ་ལྟར་བཅོ་བརྒྱད་འདི་དང་གཞན། །<br>སྟོན་པའི་མ་འདྲེས་ཡོན་ཏན་ཡིན། ། +
འཁྲུལ་དང་ཅ་ཅོ་བསྙེལ་དང་ཐུགས་གཡོ་ཐ་དད་ཀྱི་ནི་འདུ་ཤེས་དང་། །<br>ངང་གི་བཏང་སྙོམས་དྲང་སྲོང་ལ་མེད་འདུན་པ་དང་ནི་བརྩོན་འགྲུས་དང་། །<br>དྲན་པ་རྣམ་དག་དྲི་མེད་ཤེས་རབ་རྟག་ཏུ་རྣམ་པར་གྲོལ་བ་དང་། །<br>ཤེས་བྱའི་དོན་ཀུན་གཟིགས་པ་གྲོལ་བའི་ཡེ་ཤེས་ལས་ནི་ཉམས་མི་ང་། ། +
གང་གི་ལས་གསུམ་ཐམས་ཅད་ཡེ་ཤེས་སྔོན་འགྲོའི་རྗེས་སུ་འཇུག་པ་དང་། །<br>དུས་གསུམ་རྟག་ཏུ་ཐོགས་པ་མེད་པ་མཁྱེན་པ་རྒྱ་ཆེན་འཇུག་པ་སྟེ། །<br>གང་རྟོགས་འགྲོ་བར་འཇིགས་མེད་དམ་ཆོས་འཁོར་ལོ་ཆེན་པོ་རབ་བསྐོར་བ། །<br>ཐུགས་རྗེ་ཆེན་པོ་དང་ལྡན་རྒྱལ་བ་ཉིད་དེ་སངས་རྒྱས་རྣམས་ཀྱིས་བརྙེས། ། +
ས་སོགས་ལ་ཡོད་ཆོས་གང་ཡིན་པའི་ཆོས་ཉིད་དེ་ནི་ནམ་མཁའི་མིན། །<br>ནམ་མཁའི་མཚན་ཉིད་སྒྲིབ་མེད་ལ་སོགས་མཚན་ཉིད་གང་དེ་གཟུགས་ལ་མེད། །<br>ས་ཆུ་མེ་རླུང་ནམ་མཁའ་མཚུངས་པ་འཇིག་རྟེན་དག་ན་ཐུན་མོང་སྟེ། །<br>མ་འདྲེས་ཉིད་ནི་རྡུལ་ཕྲན་ཙམ་ཡང་འཇིག་རྟེན་དག་ན་ཐུན་མོང་མིན། ། +
ལེགས་གནས་འཁོར་ལོའི་མཚན་པ་དང་། །<br>ཡངས་ཤིང་ཞབས་ལོང་མི་མངོན་དང་། །<br>སོར་མོ་རིང་དང་ཕྱག་ཞབས་ནི། །<br>དྲ་བ་ཡིས་ནི་འབྲེལ་པ་དང་། ། +
པགས་འཇམ་གཞོན་ཤ་ཅན་ལེགས་ཉིད། །<br>སྐུ་ནི་བདུན་དག་མཐོ་བ་དང་། །<br>བྱིན་པ་ཨེ་ན་ཡ་འདྲ་གསང་། །<br>གླང་པོ་བཞིན་དུ་སྦུབས་སུ་ནུབ། ། +
རོ་སྟོད་སེང་གེ་འདྲ་བ་དང་། །<br>ཐལ་གོང་བར་མེད་རྒྱས་པ་དང་། །<br>དཔུང་མགོ་ལེགས་ཟླུམ་ཕྱག་འཇམ་ཞིང་། །<br>ཟླུམ་ཞིང་མཐོ་དམན་མེད་པ་དང་། ། +
བདག་ཉིད་ཀྱི་ནི་འབྱོར་པའི་གནས། །<br>དམ་པའི་དོན་གྱི་སྐུ་ཡིན་ཏེ། །<br>དྲང་སྲོང་རྣམས་ཀྱི་བརྡ་ཡི་སྐུ། །<br>ཕ་རོལ་ཕུན་སུམ་ཚོགས་པའི་གནས། ། +
ཕྱག་རིང་ཡོངས་སུ་དག་པའི་སྐུ། །<br>འོད་ཀྱི་དཀྱིལ་འཁོར་དང་ལྡན་དང་། །<br>མགྲིན་པ་དྲི་མེད་དུང་འདྲ་དང་། །<br>འགྲམ་པ་རི་དགས་རྒྱལ་པོ་འདྲ། ། +
ཚེམས་ནི་བཞི་བཅུ་མཉམ་པ་དང་། །<br>རབ་དག་ཚེམས་ཐགས་བཟང་བ་དང་། །<br>རྣམ་དག་ཚེམས་མཉམ་ཉིད་དང་ནི། །<br>མཆེ་བ་རབ་མཆོག་དཀར་བ་ཉིད། ། +
ལྗགས་རིང་མཐའ་མེད་བསམ་མེད་པ། །<br>རོ་བྲོ་བ་ཡི་མཆོག་ཉིད་དང་། །<br>རང་བྱུང་ཀ་ལ་པིང་ཀ་ཡི། །<br>སྒྲ་དང་ཚངས་པའི་དབྱངས་ཉིད་དང་། ། +
སྤྱན་བཟང་ཨུཏྤལ་ཁྱུ་མཆོག་རྫི་འདྲ་དང་། །<br>ཞལ་མཛེས་དྲི་མེད་མཛོད་སྤུ་དཀར་ལྡན་དང་། །<br>གཙུག་ཏོར་དབུ་ལྡན་དག་ཅིང་སྲབ་པ་དང་། །<br>པགས་པ་གསེར་གྱི་མདོག་འདྲ་སེམས་ཅན་མཆོག ། +
བ་སྤུ་ལེགས་ཕྲ་འཇམ་ཞིང་རེ་རེ་ནས། །<br>སྐུ་ཡི་གྱེན་དུ་གཡས་ཕྱོགས་འཁྱིལ་པ་དང་། །<br>དབུ་སྐྲ་དྲི་མེད་རིན་ཆེན་མཐོན་མཐིང་བཞིན། །<br>ནྱ་གྲོ་རྫོགས་པའི་ལྗོན་ཤིང་དཀྱིལ་འཁོར་འདྲ། ། +
ཀུན་ཏུ་བཟང་པོ་དཔེ་མེད་དྲང་སྲོང་ཆེ། །<br>སྲེད་མེད་བུ་ཡི་སྟོབས་མངའ་མཁྲེགས་པའི་སྐུ། །<br>བསམ་མི་ཁྱབ་པར་སུམ་ཅུ་རྩ་གཉིས་པོ། །<br>འདི་དག་སྟོན་པས་མི་དབང་མཚན་དུ་གསུངས། ། +
