Property:Tibetan
From Buddha-Nature
This is a property of type Text.
T
སྲིད་ལ་མཁྱེན་དང་བརྩེ་ཆེན་འགྱུར་བ་དང་། །<br>མི་འགྱུར་མི་གོས་ནམ་མཁའི་དཀྱིལ་གནས་པ། །<br>ཏིང་འཛིན་གཟུངས་ཆུ་དྲི་མེད་སྙིང་པོ་ཅན། །<br>ཐུབ་དབང་སྤྲིན་ནི་དགེ་བའི་ལོ་ཏོག་རྒྱུ། ། +
ཇི་ལྟར་བསིལ་དང་ཞིམ་དང་འཇམ་པ་དང་། །ཡང་བའི་ཆུ་ནི་སྤྲིན་དེ་ལས་ཐོན་པ། །<br>ས་ལ་བ་ཚ་ལ་སོགས་གནས་འབྲེལ་བས། །ཤིན་ཏུ་མང་པོའི་རོར་ནི་འགྱུར་བ་བཞིན། །<br>དེ་བཞིན་འཕགས་པའི་ཡན་ལག་བརྒྱད་ཆུའི་ཆར། །རབ་ཡངས་བརྩེ་སྤྲིན་སྙིང་པོ་ལས་ཐོན་པ། །<br>འགྲོ་བའི་རྒྱུད་ཀྱི་གནས་ཀྱི་དབྱེ་བ་ལས། །རྣམ་པ་མང་པོའི་རོ་དང་ལྡན་པར་འགྱུར། ། +
ཐེག་པ་མཆོག་ལ་དང་བ་དང་། །<br>བར་མ་དང་ནི་སྡང་བ་ཡི། །<br>ཕུང་པོ་གསུམ་ནི་མི་དག་དང་། །<br>རྨ་བྱ་དང་ནི་ཡི་དགས་འདྲ། ། +
དཔྱིད་མཐར་སྤྲིན་མེད་པ་ནི་མི་དང་མཁའ་མི་རྒྱུ་བའི་བྱ་དག་དང་། །<br>དབྱར་ཚེ་ས་ལ་ཆར་བབས་པ་ན་ཡི་དགས་དག་ནི་སྡུག་པ་ལྟར། །<br>སྙིང་རྗེའི་སྤྲིན་ཚོགས་དག་གིས་ཆོས་ཆུ་བྱུང་དང་མ་བྱུང་བ་ལས་ཀྱང་། །<br>ཆོས་འདོད་པ་དང་ཆོས་ལ་སྡང་བའི་འཇིག་རྟེན་དག་ན་དཔེ་དེ་ཉིད། ། +
ཐིགས་པ་རགས་འབེབས་རྡོ་ཚན་དང་ནི་རྡོ་རྗེའི་མེ་ནི་འབེབས་པ་ན། །<br>སྲོག་ཆགས་ཕྲ་དང་རི་སུལ་སོང་བ་དག་ལ་ཇི་ལྟར་སྤྲིན་ལྟོས་མེད། །<br>ཕྲ་དང་རྒྱ་ཆེན་རིགས་པའི་ཚུལ་གྱིས་མཁྱེན་པ་དང་ནི་བརྩེ་བའི་སྤྲིན། །<br>ཉོན་མོངས་དག་འགྱུར་བདག་ལྟའི་བག་ཉལ་དག་ལ་རྣམ་ཀུན་ལྟོས་པ་མེད། ། +
ངེས་འབྱིན་དེ་ཡི་སྟོན་པ་དང་། །<br>དེ་འབྲས་དེ་ཡི་ཡོངས་འཛིན་དང་། །<br>དེ་སྒྲིབ་དེ་གཅོད་རྐྱེན་ལ་ནི། །<br>རྣམ་པར་རྟོག་པ་མེད་ཕྱིར་རོ། ། +
འཁོར་བའི་སྐྱེ་འཆི་ཐོག་མ་མེད་དེར་འགྲོ་བའི་ལམ་ནི་རྣམ་པ་ལྔ། །<br>མི་གཙང་བ་ལ་དྲི་ཞིམ་མེད་བཞིན་འགྲོ་ལྔ་དག་ན་བདེ་བ་མེད། །<br>དེ་ཡི་སྡུག་བསྔལ་རྟག་ཏུ་མེས་མཚོན་རྒྱ་ཚ་ལ་སོགས་རེག་སྐྱེས་བཞིན། །<br>ཐུགས་རྗེའི་སྤྲིན་ལས་དམ་ཆོས་ཆར་ཆེན་དེ་རབ་ཞི་བྱེད་རབ་ཏུ་འབེབས། ། +
ལྷ་ལ་འཆི་འཕོ་མི་ལ་ཡོངས་ཚོལ་སྡུག་བསྔལ་ཞེས་བྱར་རྟོགས་པའི་ཕྱིར། །<br>ཤེས་རབ་ལྡན་པ་ལྷ་མིའི་དབང་ཕྱུག་མཆོག་ལའང་མངོན་པར་འདོད་མེད་དེ། །<br>ཤེས་རབ་དང་ནི་དེ་བཞིན་གཤེགས་པའི་གསུང་རབ་དད་པའི་རྗེས་འབྲངས་ལ། །<br>འདི་ནི་སྡུག་བསྔལ་འདི་རྒྱུ་འདི་ནི་འགོག་ཅེས་ཤེས་པས་མཐོང་ཕྱིར་རོ། ། +
ནད་ནི་ཤེས་བྱ་ནད་ཀྱི་རྒྱུ་ནི་སྤང་བྱ་ལ། །<br>བདེ་གནས་ཐོབ་བྱ་སྨན་ནི་བསྟེན་པར་བྱ་བ་ལྟར། །<br>སྡུག་བསྔལ་རྒྱུ་དང་དེ་འགོག་པ་དང་དེ་བཞིན་ལམ། །<br>ཤེས་བྱ་སྤང་བྱ་རེག་པར་བྱ་ཞིང་བསྟེན་པར་བྱ། ། +
ཇི་ལྟར་ཚངས་པ་ཚངས་པ་ཡི། །<br>གནས་ནས་འཕོ་བ་མེད་བཞིན་དུ། །<br>ལྷ་ཡི་གནས་ནི་ཐམས་ཅད་དུ། །<br>སྣང་བ་འབད་མེད་སྟོན་པ་ལྟར། ། +
དེ་བཞིན་ཐུབ་པ་ཆོས་སྐུ་ལས། །<br>བསྐྱོད་པ་མེད་པར་ཁམས་ཀུན་དུ། །<br>སྐལ་ལྡན་རྣམས་ལ་འབད་མེད་པར། །<br>སྤྲུལ་པ་དག་ནི་སྟོན་པར་མཛད། ། +
ཇི་ལྟར་ཚངས་རྟག་གཞལ་ཡས་ཁང་ན་མི་གཡོ་འདོད་ཁམས་ཞུགས་པ་དེ། །<br>ལྷ་རྣམས་ཀྱིས་མཐོང་དེ་མཐོང་དེ་ཡང་ཡུལ་ལ་དགའ་བ་སྤོང་བྱེད་ལྟར། །<br>དེ་བཞིན་བདེ་གཤེགས་ཆོས་ཀྱི་སྐུ་ལས་མི་བསྐྱོད་འཇིག་རྟེན་ཁམས་ཀུན་དུ། །<br>སྐལ་ལྡན་གྱིས་མཐོང་དེ་མཐོང་དེ་ཡང་རྟག་ཏུ་དྲི་མ་ཀུན་སེལ་བྱེད། ། +
སྔོན་གྱི་རང་ཉིད་སྨོན་ལམ་དང་། །<br>ལྷ་རྣམས་ཀྱི་ནི་དགེ་བའི་མཐུས། །<br>ཇི་ལྟར་ཚངས་པ་འབད་མེད་སྣང་། །<br>རང་བྱུང་སྤྲུལ་སྐུ་དེ་བཞིན་ནོ། ། +
འཕོ་དང་ལྷུམས་འཇུག་བལྟམས་དང་ཡབ་ཀྱི་ཁབ་གཤེགས་དང་། །<br>དགྱེས་རོལ་པ་དང་དབེན་པར་སྤྱོད་དང་བདུད་བཅོམ་དང་། །<br>བྱང་ཆུབ་ཆེ་བརྙེས་ཞི་བའི་གྲོང་དུ་ལམ་སྟོན་དག །<br>བསྟན་ནས་ཐུབ་པ་སྐལ་མེད་མིག་གི་ལམ་མི་འགྱུར། ། +
ཇི་ལྟར་ཉི་མས་གདུངས་པའི་དུས་གཅིག་ཚེ་ཉིད་ལ། །<br>པད་སོགས་རྒྱས་དང་ཀུ་མུ་ཏ་ནི་རབ་ཟུམ་པ། །<br>ཆུ་སྐྱེས་བྱེ་དང་ཟུམ་པའི་ཡོན་ཏན་སྐྱོན་དག་ལ། །<br>ཉི་མ་རྟོག་མེད་འདིར་ནི་འཕགས་པའི་ཉི་དེ་བཞིན། ། +
ཇི་ལྟར་ཉི་མ་རྟོག་མེད་པར། །<br>རང་འོད་ཅིག་ཅར་སྤྲོས་པ་ཡིས། །<br>པདྨ་རྒྱས་པར་བྱེད་པ་དང་། །<br>གཞན་དག་སྨིན་པར་བྱེད་པ་ལྟར། ། +
ངེས་པར་འབྱིན་པ་ས་བཅུ་སྟེ། །<br>ཚོགས་གཉིས་དག་ནི་དེ་ཡི་རྒྱུ། །<br>དེ་འབྲས་བྱང་ཆུབ་མཆོག་ཡིན་ཏེ། །<br>བྱང་ཆུབ་སེམས་ཅན་ཡོངས་སུ་འཛིན། ། +
དེ་བཞིན་དེ་བཞིན་གཤེགས་པ་ཡི། །<br>ཉི་མ་དམ་ཆོས་འོད་ཟེར་དག །<br>གདུལ་བྱའི་སྐྱེ་བོའི་པདྨ་ལ། །<br>རྣམ་པར་རྟོག་པ་མེད་པར་འཇུག ། +
ཆོས་དང་གཟུགས་ཀྱི་སྐུ་དག་གིས། །<br>བྱང་ཆུབ་སྙིང་པོ་མཁར་ཤར་བའི། །<br>ཀུན་མཁྱེན་ཉི་མ་འགྲོ་བར་ནི། །<br>ཡེ་ཤེས་འོད་ཟེར་སྤྲོ་བར་མཛད། ། +
གང་ཕྱིར་གདུལ་བྱ་དག་པ་ཡི། །<br>ཆུ་ཡི་སྣོད་ནི་ཐམས་ཅད་ལ། །<br>བདེ་གཤེགས་ཉི་མའི་གཟུགས་བརྙན་ནི། །<br>དཔག་ཏུ་མེད་པ་ཅིག་ཅར་འཆར། ། +
