Property:Tibetan
From Buddha-Nature
This is a property of type Text.
T
ཆུ་དང་ཉི་མའི་འོད་དང་རླུང་དང་ས་དུས་ནམ་མཁའི་རྐྱེན་རྣམས་ཀྱིས། །<br>ཏ་ལ་དང་ནི་ཨ་མྲའི་འབྲས་སྦུབས་གསེབ་ནས་ཤིང་སྐྱེ་ཇི་ལྟར་བར། །<br>སེམས་ཅན་ཉོན་མོངས་འབྲས་ལྤགས་ནང་ཆུད་རྫོགས་སངས་ས་བོན་མྱུ་གུ་ཡང་། །<br>དེ་བཞིན་དགེ་རྐྱེན་དེ་དང་དེ་ལས་ཆོས་མཐོང་འཕེལ་བར་འགྱུར་བ་ཡིན། ། +
ཇི་ལྟར་རིན་ཆེན་ལས་བྱས་རྒྱལ་བའི་གཟུགས། །<br>གོས་ཧྲུལ་དྲི་ངན་གྱིས་ནི་གཏུམས་གྱུར་པ། །<br>ལམ་གནས་ལྷ་ཡིས་མཐོང་ནས་གྲོལ་བྱའི་ཕྱིར། །<br>ལམ་གནས་དོན་དེ་དེ་ལ་སྨྲ་བ་ལྟར། ། +
ཐོགས་མེད་སྤྱན་མངའ་རྣམ་པ་སྣ་ཚོགས་ཀྱི། །<br>ཉོན་མོངས་ཀྱིས་གཏུམས་བདེ་གཤེགས་དངོས་པོ་ཉིད། །<br>དུད་འགྲོ་ལ་ཡང་གཟིགས་ནས་དེ་བཞིན་དེ། །<br>ཐར་པར་བྱ་བའི་དོན་དུ་ཐབས་སྟོན་མཛོད། ། +
བརྟག་མིན་ཕྱིར་དང་བརྗོད་མིན་ཕྱིར། །<br>འཕགས་པས་མཁྱེན་ཕྱིར་བསམ་མེད་ཉིད། །<br>ཞི་ཉིད་གཉིས་མེད་རྟོག་མེད་དེ། ། <br>དག་སོགས་གསུམ་ནི་ཉི་བཞིན་ནོ། ། +
ཇི་ལྟར་རིན་ཆེན་རང་བཞིན་དེ་བཞིན་གཤེགས་སྐུ་དྲི་ངན་གོས་གཏུམས་པ། །<br>ལམ་གནས་ལྷ་ཡི་མིག་གིས་མཐོང་ནས་ཐར་ཕྱིར་མི་ལ་སྟོན་པ་ལྟར། །<br>དེ་བཞིན་ཉོན་མོངས་གོས་ཧྲུལ་གྱིས་གཏུམས་འཁོར་བའི་ལམ་ན་གནས་པའི་ཁམས། །<br>དུད་འགྲོ་ལ་ཡང་གཟིགས་ནས་ཐར་པར་བྱ་ཕྱིར་རྒྱལ་བ་ཆོས་སྟོན་ཏོ། ། +
ཇི་ལྟར་མི་མོ་གཟུགས་ངན་མགོན་མེད་འགའ། །<br>མགོན་མེད་འདུག་གནས་སུ་ནི་འདུག་གྱུར་ལ། །<br>མངལ་གྱིས་རྒྱལ་པོའི་དཔལ་ནི་འཛིན་བྱེད་པས། །<br>རང་ལྟོ་ན་ཡོད་མི་བདག་མི་ཤེས་ལྟར། ། +
སྲིད་པར་སྐྱེ་བ་མགོན་མེད་ཁྱིམ་བཞིན་ཏེ། །<br>མ་དག་སེམས་ཅན་མངལ་ལྡན་བུད་མེད་བཞིན། །<br>དེ་ལ་གང་ཞིག་ཡོད་པས་མགོན་བཅས་པ། །<br>དྲི་མེད་ཁམས་ནི་དེ་ཡི་མངལ་གནས་བཞིན། ། +
ཇི་ལྟར་བུད་མེད་ལུས་ལ་དྲི་བཅས་གོས་གྱོན་མི་སྡུག་གཟུགས་ལྡན་པ། །<br>ས་བདག་མངལ་ན་གནས་ཀྱང་མགོན་མེད་ཁང་པར་སྡུག་བསྔལ་མཆོག་མྱོང་ལྟར། །<br>དེ་བཞིན་བདག་རང་ནང་གནས་མགོན་ཡོད་གྱུར་ཀྱང་མགོན་མེད་བློ་ལྡན་པ། །<br>འགྲོ་བ་ཉོན་མོངས་དབང་གིས་ཡིད་མ་ཞི་བས་སྡུག་བསྔལ་གཞི་ལ་གནས། ། +
ཇི་ལྟར་ནང་གི་གསེར་ཞུན་གཟུགས་རྒྱས་པ། །<br>ཞི་བ་ཕྱི་རོལ་ས་ཡི་རང་བཞིན་ཅན། །<br>མཐོང་ནས་དེ་ཤེས་པ་དག་ནང་གི་གསེར། །<br>སྦྱང་ཕྱིར་ཕྱི་རོལ་སྒྲིབ་པ་སེལ་བྱེད་ལྟར། ། +
རང་བཞིན་འོད་གསལ་དྲི་མེད་རྣམས་ཀྱང་ནི། །<br>གློ་བུར་བར་ནི་རྣམ་པར་གཟིགས་གྱུར་ནས། །<br>རིན་ཆེན་འབྱུང་གནས་ལྟ་བུའི་འགྲོ་བ་རྣམས། །<br>སྒྲིབ་པ་དག་ལས་སྦྱོང་མཛད་བྱང་ཆུབ་མཆོག ། +
ཇི་ལྟར་དྲི་མེད་གསེར་འབར་ལས་བྱས་ས་ཡི་ནང་དུ་ཆུད་གྱུར་གཟུགས། །<br>ཞི་དེ་རང་བཞིན་མཁས་པས་རིག་ནས་ས་དག་སེལ་བར་བྱེད་པར་ལྟར། །<br>དེ་བཞིན་ཀུན་མཁྱེན་དག་པའི་གསེར་འདྲ་ཞི་བའི་ཡིད་ནི་མཁྱེན་གྱུར་ནས། །<br>ཆོས་འཆད་ཚུལ་གྱིས་བརྡེག་སྤྱད་སྒྲུབ་པས་སྒྲིབ་པ་དག་ནི་སེལ་བར་མཛད། ། +
པདྨ་སྲོག་ཆགས་བུང་བ་དང་། །<br>སྦུན་པ་དང་ནི་མི་གཙང་ས། །<br>འབྲས་ཤུན་གོས་ཧྲུལ་བུད་མེད་ཀྱི། །<br>མངལ་དང་ས་ཡི་སྦུབས་ན་ཡང་། ། +
སངས་རྒྱས་སྦྲང་རྩི་སྙིང་པོ་བཞིན། །<br>གསེར་བཞིན་གཏེར་བཞིན་ལྗོན་པ་བཞིན། །<br>རིན་ཆེན་སྐུ་དང་འཁོར་ལོ་ཡིས། །<br>བསྒྱུར་བ་བཞིན་དང་གསེར་གཟུགས་བཞིན། ། +
སེམས་ཅན་ཁམས་ཀྱི་ཉོན་མོངས་སྦུབས། །<br>མ་འབྲེལ་ཐོག་མ་མེད་པ་ན། །<br>སེམས་ཀྱི་རང་བཞིན་དྲི་མེད་ནི། །<br>ཐོག་མ་མེད་པ་ཡིན་པར་བརྗོད། ། +
སེམས་དེ་རང་བཞིན་འོད་གསལ་བས་ན་ཉོན་མོངས་ངོ་བོ་མེད་གཟིགས་པས། །<br>གང་དག་འགྲོ་ཀུན་བདག་མེད་མཐའ་ཞི་ཡང་དག་རྟོགས་ནས་ཐམས་ཅད་ལ། །<br>རྫོགས་པའི་སངས་རྒྱས་རྗེས་ཞུགས་གཟིགས་པ་སྒྲིབ་པ་མེད་པའི་བློ་མངའ་བ། །<br>སེམས་ཅན་རྣམ་དག་མཐའ་ཡས་ཡུལ་ཅན་ཡེ་ཤེས་གཟིགས་མངའ་དེ་ལ་འདུད། ། +
ཆགས་དང་སྡང་དང་རྨོངས་དང་དེའི། །<br>ཀུན་ལྡང་དྲག་དང་བག་ཆགས་དང་། །<br>མཐོང་སྒོམ་ལམ་སྤང་མ་དག་དང་། །<br>དག་པའི་ས་ལ་བརྟེན་པ་ཡི། ། +
དྲི་མ་རྣམ་དགུ་པདྨ་ཡི། །<br>སྦུབས་སོགས་དཔེ་ནི་རབ་བསྟན་ཏེ། །<br>ཉེ་བའི་ཉོན་མོངས་སྦུབས་ཀྱི་ནི། །<br>དབྱེ་བ་བྱེ་བ་མཐའ་ལས་འདས། ། +
ཆགས་སོགས་དྲི་མ་དགུ་པོ་འདི། །<br>མདོར་བསྡུས་ནས་ནི་གོ་རིམས་བཞིན། །<br>པདྨའི་སྦུབས་ལ་སོགས་པ་ཡི། །<br>དཔེ་དགུ་དག་གིས་ཡང་དག་བསྟན། ། +
དྲི་འདི་དག་གིས་བྱིས་རྣམས་དང་། །<br>དགྲ་བཅོམ་སློབ་པ་བློ་ལྡན་རྣམས། །<br>རིམ་བཞིན་བཞི་དང་གཅིག་དང་ནི། །<br>གཉིས་དང་གཉིས་ཀྱིས་མ་དག་ཉིད། ། +
ཇི་ལྟར་པདྨ་འདམ་སྐྱེས་དེ། །<br>མདུན་དུ་གྱུར་ན་ཡིད་དགའ་དང་། །<br>ཕྱིས་ནས་དགའ་བ་མེད་འགྱུར་བ། །<br>འདོད་ཆགས་དགའ་བ་དེ་བཞིན་ནོ། ། +
