Property:Tibetan
From Buddha-Nature
This is a property of type Text.
T
བདག་གཞན་ཤེས་བྱའི་དངོས་པོ་རྣམ་ཀུན་ཤེས་དང་ཤེས་མཛད་ཕྱིར། །<br>སྤང་དངོས་སྤངས་དང་སྤོང་མཛད་ཕྱིར་དང་བརྟེན་བྱ་བསྟེན་པའི་ཕྱིར། །<br>ཐོབ་བྱ་བླ་མེད་ཤིན་ཏུ་དྲི་མེད་ཐོབ་དང་ཐོབ་མཛད་ཕྱིར། །<br>རང་གཞན་དོན་ལྡན་གསུང་ཕྱིར་དྲང་སྲོང་གང་དུའང་ཐོགས་པ་མེད། ། +
གདུལ་བྱའི་ཁམས་དང་འདུལ་བའི་ཐབས་དང་ནི། །<br>གདུལ་བྱའི་ཁམས་ཀྱི་གདུལ་བྱའི་བྱ་བ་དང་། །<br>དེ་ཡི་ཡུལ་དང་དུས་སུ་གཤེགས་པ་ལ། །<br>ཁྱབ་བདག་རྟག་ཏུ་ལྷུན་གྱིས་གྲུབ་པར་འཇུག ། +
རྒྱ་ཆེ་མཐའ་དང་དབུས་མེད་ཕྱིར། །<br>བྱང་ཆུབ་ནམ་མཁའི་ཁམས་བཞིན་ནོ། །<br>ཡང་དག་རྫོགས་སངས་ཆོས་ཉིད་ཕྱིར། །<br>སེམས་ཅན་ཁམས་ནི་གཏེར་དང་འདྲ། ། +
གློ་བུར་ཁྱབ་དང་མ་གྲུབ་ཕྱིར། །<br>དེ་ཡི་ཉོན་མོངས་སྤྲིན་ཚོགས་བཞིན། །<br>དེ་འཐོར་བར་ནི་ཉེར་གནས་ཕྱིར། །<br>ཐུགས་རྗེ་མི་བཟད་རླུང་དང་འདྲ། ། +
གཞན་གྱི་དབང་གིས་ངེས་འབྱུང་དང་། །<br>བདག་དང་སེམས་ཅན་མཚུངས་གཟིགས་དང་། །<br>མཛད་པ་ཡོངས་སུ་མ་རྫོགས་ཕྱིར། །<br>འཁོར་བ་སྲིད་དུ་མཛད་མི་འཆད། ། +
བརྒྱ་བྱིན་རྔ་སྤྲིན་ཚངས་པ་དང་། །<br>ཉི་མ་ནོར་བུ་རིན་ཆེན་བཞིན། །<br>དེ་བཞིན་གཤེགས་པ་སྒྲ་བརྙན་བཞིན། །<br>ནམ་མཁའ་དང་ནི་ས་བཞིན་ནོ། ། +
ཇི་ལྟར་བཻ་ཌཱུར་དག་པ་ཡི། །<br>རང་བཞིན་ས་སྟེང་འདིར་འགྱུར་ཏེ། །<br>དག་ཕྱིར་ལྷ་ཡི་དབང་པོ་དེར། །<br>ལྷ་ཡི་བུ་མོའི་ཚོགས་དང་བཅས། ། +
རྣམ་པར་རྒྱལ་བའི་ཁང་བཟང་དང་། །<br>ལྷ་གནས་དེ་ལས་གཞན་དག་དང་། །<br>དེ་ཡི་གཞལ་ཡས་སྣ་ཚོགས་དང་། །<br>ལྷ་རྫས་རྣམ་མང་དེ་མཐོང་ངོ། ། +
དེ་ནས་སྐྱེས་པ་བུད་མེད་ཚོགས། །<br>ས་ཡི་སྟེང་ན་གནས་པ་རྣམས། །<br>སྣང་བ་དེ་ནི་མཐོང་གྱུར་ཏེ། །<br>ངེད་ཀྱང་རིང་པོར་མི་ཐོགས་པར། ། +
ལྷ་དབང་འདི་འདྲར་གྱུར་ཅིག་ཅེས། །<br>དེ་འདྲའི་སྨོན་ལམ་འདེབས་བྱེད་ཅིང་། །<br>དེ་ཐོབ་དོན་དུ་དགེ་བ་ནི། །<br>ཡང་དག་བླངས་ཏེ་གནས་པར་གྱུར། ། +
དེ་དག་དགེ་བའི་ལས་དེས་ནི། །<br>འདི་སྣང་ཙམ་ཞེས་དེ་ལྟ་བུར། །<br>ཤེས་པ་མེད་ཀྱང་ས་སྟེང་ནས། །<br>འཕོས་ཏེ་ལྷ་རུ་སྐྱེ་བར་འགྱུར། ། +
སྣང་བ་དེ་ནི་ཤིན་ཏུ་ཡང་། །<br>རྟོག་པ་མེད་ཅིང་གཡོ་བ་མེད། །<br>དེ་ལྟ་མོད་ཀྱི་ས་སྟེང་ན། །<br>དོན་ཆེན་གྱིས་ནི་ཉེ་བར་གནས། ། +
ཡོན་ཏན་རིན་ཆེན་མཆོག་ཚོགས་དང་ལྡན་ཡེ་ཤེས་ཆུ་མཚོ་བསོད་ནམས་ཡེ་ཤེས་ཉི་འོད་ཅན། །<br>ཐེག་པ་མ་ལུས་ངེས་པར་བསྒྲུབས་ཏེ་མཐའ་དང་དབུས་མེད་རྒྱ་ཆེན་ནམ་མཁའ་ལྟར་ཁྱབ་པ། །<br>སངས་རྒྱས་ཉིད་ནི་ཡོན་ཏན་དྲི་མ་མེད་གཏེར་སེམས་ཅན་ཀུན་ལ་ཁྱད་མེད་རྣམ་གཟིགས་ནས། །<br>ཉོན་མོངས་ཤེས་བྱའི་སྤྲིན་གྱི་དྲ་བ་སངས་རྒྱས་རྣམས་ཀྱི་ཐུགས་རྗེའི་རླུང་གིས་རྣམ་པར་གཏོར། ། +
དེ་བཞིན་དད་སོགས་དྲི་མེད་ཅན། །<br>དད་སོགས་ཡོན་ཏན་བསྒོམ་པ་ཡི། །<br>རང་སེམས་ལ་སྣང་རྫོགས་སངས་རྒྱས། །<br>མཚན་དང་དཔེ་བྱད་ལྡན་པ་དང་། ། +
འཆག་པ་དང་ནི་བཞེངས་པ་དང་། །<br>བཞུགས་པ་དང་ནི་གཟིམས་པ་དང་། །<br>སྤྱོད་ལམ་སྣ་ཚོགས་མཛད་པ་ཅན། །<br>ཞི་བའི་ཆོས་ནི་གསུང་བ་དང་། ། +
མི་གསུང་མཉམ་པར་བཞག་གྱུར་པ། །<br>ཆོ་འཕྲུལ་རྣམ་པ་སྣ་ཚོགས་དང་། །<br>མཛད་པ་གཟི་མདངས་ཆེན་པོ་ཅན། །<br>སེམས་ཅན་རྣམས་ཀྱིས་མཐོང་བར་འགྱུར། ། +
དེ་མཐོང་ནས་ཀྱང་འདོད་ལྡན་པ། །<br>སངས་རྒྱས་ཉིད་ཅེས་རབ་སྦྱོར་ཏེ། །<br>དེ་རྒྱུ་ཡང་དག་བླངས་ནས་ནི། །<br>འདོད་པའི་གོ་འཕང་ཐོབ་པར་བྱེད། ། +
སྣང་བ་དེ་ནི་ཤིན་ཏུ་ཡང་། །<br>རྟོག་མེད་གཡོ་བ་མེད་པ་ཉིད། །<br>དེ་ལྟ་ན་ཡང་འཇིག་རྟེན་ན། །<br>དོན་ཆེན་པོས་ནི་ཉེ་བར་གནས། ། +
འདི་ནི་རང་སེམས་སྣང་བ་ཞེས། །<br>སོ་སོའི་སྐྱེ་བོས་མི་ཤེས་མོད། །<br>དེ་ལྟ་ན་ཡང་གཟུགས་མཐོང་སྟེ། །<br>དེ་དག་ལ་ནི་དོན་ཡོད་འགྱུར། ། +
རིམ་གྱིས་དེ་མཐོང་ལ་བརྟེན་ནས། །<br>ཐེག་པ་འདི་ལ་གནས་པ་རྣམས། །<br>ནང་གི་དམ་པ་ཆོས་སྐུ་ནི། །<br>ཡེ་ཤེས་མིག་གིས་མཐོང་བར་འགྱུར། ། +
