Property:Tibetan
From Buddha-Nature
This is a property of type Text.
T
དམ་པའི་དོན་དུ་འགྲོ་བ་ཡི། །<br>སྐྱབས་ནི་སངས་རྒྱས་ཉག་གཅིག་ཡིན། །<br>ཐུབ་པ་ཆོས་ཀྱི་སྐུ་ཅན་ཕྱིར། །<br>ཚོགས་ཀྱང་དེ་ཡི་མཐར་ཐུག་ཕྱིར། ། +
འབྱུང་བ་དཀོན་ཕྱིར་དྲི་མེད་ཕྱིར། །<br>མཐུ་ལྡན་ཕྱིར་དང་འཇིག་རྟེན་གྱི། །<br>རྒྱན་གྱུར་ཕྱིར་དང་མཆོག་ཉིད་ཕྱིར། །<br>འགྱུར་བ་མེད་ཕྱིར་དཀོན་མཆོག་ཉིད། ། +
དྲི་བཅས་དེ་བཞིན་ཉིད་དང་དྲི་མ་མེད། །<br>དྲི་མེད་སངས་རྒྱས་ཡོན་ཏན་རྒྱལ་བའི་མཛད། །<br>གང་ལས་དཀོན་མཆོག་དགེ་བ་གསུམ་འབྱུང་བ། །<br>དོན་དམ་གཟིགས་པ་རྣམས་ཀྱི་ཡུལ་ཉིད་དོ། ། +
དཀོན་མཆོག་གསུམ་པོ་འདི་ཡི་རིགས། །<br>ཐམས་ཅད་གཟིགས་པ་རྣམས་ཀྱི་ཡུལ། །<br>དེ་ཡང་རྣམ་བཞི་གོ་རིམས་བཞིན། །<br>རྒྱུ་བཞི་ཡིས་ནི་བསམ་མི་ཁྱབ། ། +
དག་དང་ཉོན་མོངས་དང་ལྡན་ཕྱིར། །<br>ཀུན་ནས་ཉོན་མོངས་མེད་དག་ཕྱིར། །<br>རྣམ་པར་དབྱེ་བ་མེད་ཆོས་ཕྱིར། །<br>ལྷུན་གྲུབ་རྣམ་པར་མི་རྟོག་ཕྱིར། ། +
རྟོགས་བྱ་རྟོགས་པ་དེ་ཡི་ནི། །<br>ཡན་ལག་རྟོགས་པར་བྱེད་ཕྱིར་ཏེ། །<br>གོ་རིམས་ཇི་བཞིན་གནས་གཅིག་དེ། །<br>དག་རྒྱུ་གསུམ་ནི་རྐྱེན་ཡིན་ནོ། ། +
སངས་རྒྱས་ཡེ་ཤེས་སེམས་ཅན་ཚོགས་ཞུགས་ཕྱིར། །<br>རང་བཞིན་དྲི་མེད་དེ་ནི་གཉིས་མེད་དེ། །<br>སངས་རྒྱས་རིགས་ལ་དེ་འབྲས་ཉེར་བརྟགས་ཕྱིར། །<br>འགྲོ་ཀུན་སངས་རྒྱས་སྙིང་པོ་ཅན་དུ་གསུངས། ། +
རྫོགས་སངས་སྐུ་ནི་འཕྲོ་ཕྱིར་དང་། །<br>དེ་བཞིན་ཉིད་དབྱེར་མེད་ཕྱིར་དང་། །<br>རིགས་ཡོད་ཕྱིར་ན་ལུས་ཅན་ཀུན། །<br>རྟག་ཏུ་སངས་རྒྱས་སྙིང་པོ་ཅན། ། +
ངོ་བོ་རྒྱུ་འབྲས་ལས་ལྡན་འཇུག་པ་དང་། །<br>གནས་སྐབས་དེ་བཞིན་ཀུན་ཏུ་འགྲོ་བའི་དོན། །<br>རྟག་ཏུ་མི་འགྱུར་ཡོན་ཏན་དབྱེར་མེད་ནི། །<br>དོན་དམ་དབྱིངས་ཀྱི་དགོངས་དོན་ཡིན་ཞེས་བྱ། ། +
སངས་རྒྱས་ལས་ཆོས་ཆོས་ལས་འཕགས་པའི་ཚོགས། །<br>
ཚོགས་ལས་སྙིང་པོ་ཡེ་ཤེས་ཁམས་ཐོབ་མཐར། །<br>
ཡེ་ཤེས་དེ་ཐོབ་བྱང་ཆུབ་མཆོག་ཐོབ་སོགས། །<br>
སེམས་ཅན་ཀུན་དོན་བྱེད་ཆོས་རྣམས་དང་ལྡན། ། +
རིན་ཆེན་ནམ་མཁའ་ཆུ་དག་བཞིན། །<br>རྟག་ཏུ་རང་བཞིན་ཉོན་མོངས་མེད། །<br>ཆོས་མོས་ལྷག་པའི་ཤེས་རབ་དང་། །<br>ཏིང་འཛིན་སྙིང་བརྩེ་ལས་བྱུང་བ། ། +
མཐུ་དང་གཞན་དུ་མི་འགྱུར་དང་། །<br>བརླན་པའི་ངོ་བོའི་རང་བཞིན་ཕྱིར། །<br>འདི་དག་ནོར་བུ་རིན་ཆེན་མཁའ། །<br>ཆུ་ཡི་ཡོན་ཏན་ཆོས་མཐུན་ཉིད། ། +
ཆོས་ལ་ཁོང་ཁྲོ་བདག་ལྟ་དང་། །<br>འཁོར་བའི་སྡུག་བསྔལ་གྱིས་འཇིགས་དང་། །<br>སེམས་ཅན་དོན་ལ་ལྟོས་མེད་ཉིད། ། +
འདོད་ཆེན་མུ་སྟེགས་ཉན་ཐོས་དང་། །<br>རང་བྱུང་རྣམས་ཀྱི་སྒྲིབ་རྣམ་བཞི། །<br>དག་རྒྱུ་ལྷག་པར་མོས་པ་ལ། །<br>སོགས་པའི་ཆོས་ནི་རྣམ་བཞི་ཉིད། ། +
ཐེག་མཆོག་ལ་མོས་ས་བོན་ཤེས་རབ་ནི། །<br>སངས་རྒྱས་ཆོས་བསྐྱེད་མ་དང་བསམ་གཏན་གྱི། །<br>བདེ་བའི་མངལ་གནས་སྙིང་རྗེའི་མ་མ་ཅན། །<br>གང་ཡིན་དེ་དག་ཐུབ་པའི་རྗེས་སྐྱེས་སྲས། ། +
གཙང་བདག་བདེ་དང་རྟག་ཉིད་ཀྱི། །<br>ཡོན་ཏན་ཕ་རོལ་ཕྱིན་པ་འབྲས། །<br>སྡུག་བསྔལ་ཡིད་འབྱུང་ཞི་ཐོབ་པར། །<br>འདུན་དང་སྨོན་པའི་ལས་ཅན་ནོ། ། +
འདི་དག་འབྲས་ནི་མདོར་བསྡུ་ན། །<br>ཆོས་ཀྱི་སྐུ་ལ་ཕྱིན་ཅི་ལོག །<br>རྣམ་པ་བཞི་ལས་བཟློག་པ་ཡི། །<br>གཉེན་པོས་རབ་ཏུ་ཕྱེ་བ་ཉིད། ། +
དེ་ནི་རང་བཞིན་དག་ཕྱིར་དང་། །<br>བག་ཆགས་སྤངས་ཕྱིར་གཙང་བ་ཡིན། །<br>བདག་དང་བདག་མེད་སྤྲོས་པ་དག །<br>ཉེ་བར་ཞི་བ་དམ་པའི་བདག ། +
ཡིད་ཀྱི་རང་བཞིན་ཕུང་པོ་དང་། །<br>དེ་རྒྱུ་ལོག་ཕྱིར་བདེ་བ་ཉིད། །<br>འཁོར་བ་དང་ནི་མྱ་ངན་འདས། །<br>མཉམ་པ་ཉིད་དུ་རྟོགས་ཕྱིར་རྟག ། +
བདག་སྲེད་མ་ལུས་ཤེས་རབ་ཀྱིས་བཅད་དེ། །<br>སེམས་ཅན་སྲེད་ཕྱིར་བརྩེ་ལྡན་ཞི་ཐོབ་མིན། །<br>དེ་ལྟར་བློ་བརྩེ་བྱང་ཆུབ་ཐབས་བརྟེན་ནས། །<br>འཕགས་པ་འཁོར་བའམ་མྱ་ངན་འདའ་མི་འགྱུར། ། +
