Property:Tibetan
From Buddha-Nature
This is a property of type Text.
T
ཇི་ལྟར་ས་ཀུན་ཉམ་ངའི་གནས་གཞན་དང་བྲལ་དྲི་མེད་བཻ་ཌཱུརྱ། །<br>གསལ་མཛེས་ནོར་བུའི་ཡོན་ཏན་དྲི་བྲལ་དཔལ་ལྡན་སྟེང་ནི་མཉམ་གྱུར་ཏེ། །<br>དག་ཕྱིར་དེར་ནི་ལྷ་དག་སྣ་ཚོགས་ལྷ་དབང་ལྷ་ཡི་གཟུགས་ཤར་སྟེ། །<br>རིམ་གྱིས་ས་ཡི་ཡོན་ཏན་དྲལ་ཕྱིར་དེ་ནི་སླར་ཡང་མི་སྣང་འགྱུར། ། +
དེ་དངོས་ཐོབ་ཕྱིར་བསྙེན་གནས་བརྟུལ་ཞུགས་ངེས་པར་སྦྱིན་སོགས་ལ་ཕྱོགས་པ། །<br>བུད་མེད་སྐྱེས་ཚོགས་སྨོན་པའི་སེམས་ཀྱིས་མེ་ཏོག་ལ་སོགས་འཐོར་བ་ལྟར། །<br>དག་པ་བཻ་ཌཱུརྱ་འདྲའི་སེམས་ལ་སྣང་བའི་ཐུབ་དབང་ཐོབ་བྱའི་ཕྱིར། །<br>རབ་དགའི་སེམས་ལྡན་རྒྱལ་བའི་སྲས་རྣམས་དེ་བཞིན་སེམས་རབ་སྐྱེད་པར་བྱེད། ། +
ཇི་ལྟར་བཻ་ཌཱུར་ས་གཞི་གཙང་མ་ལ། །<br>ལྷ་དབང་ལུས་ཀྱི་གཟུགས་བརྙན་སྣང་བ་ལྟར། །<br>དེ་བཞིན་འགྲོ་སེམས་ས་གཞི་གཙང་མ་ལ། །<br>ཐུབ་པའི་དབང་པོའི་སྐུ་ཡི་གཟུགས་བརྙན་འཆར། ། +
གང་ཞིག་གང་གིས་གདུལ་བ་ཡི། །<br>བྱ་གང་གང་དུ་གང་གི་ཚེ། །<br>དེ་ཡི་རྣམ་རྟོག་སྐྱེ་མེད་ཕྱིར། །<br>ཐུབ་པ་རྟག་ཏུ་ལྷུན་གྱིས་གྲུབ། ། +
འགྲོ་བར་གཟུགས་བརྙན་འཆར་ནུབ་རྙོག་མེད་དང་། །<br>རྙོག་པའི་རང་སེམས་རབ་འཇུག་དབང་གིས་འཇུག །<br>ཇི་ལྟར་འཇིག་རྟེན་དག་ན་གཟུགས་སྣང་ལྟར། །<br>དེ་བཞིན་ཡོད་དང་ཞིག་ཅེས་དེ་མི་ལྟ། ། +
ཇི་ལྟར་ལྷ་ནང་ལྷ་རྣམས་ཀྱི། །<br>སྔོན་གྱི་དཀར་པོའི་མཐུ་ཡིས་ནི། །<br>འབད་དང་གནས་དང་ཡིད་གཟུགས་དང་། །<br>རྣམ་པར་རྟོག་པ་མེད་བཞིན་དུ། ། +
མི་རྟག་སྡུག་བསྔལ་བདག་མེད་དང་། །<br>ཞི་བའི་སྒྲ་ཡིས་བག་མེད་པའི། །<br>ལྷ་རྣམས་ཐམས་ཅད་ཡང་དང་ཡང་། །<br>ཆོས་ཀྱི་རྔས་ནི་སྐུལ་བྱེད་ལྟར། ། +
དེ་བཞིན་ཁྱབ་བདག་འབད་སོགས་དང་། །<br>བྲལ་ཡང་འགྲོ་བ་མ་ལུས་པ། །<br>སངས་རྒྱས་གསུང་གིས་ཁྱབ་མཛད་དེ། །<br>སྐལ་ལྡན་རྣམས་ལ་ཆོས་སྟོན་ཏོ། ། +
ཇི་ལྟར་ལྷ་ནང་ལྷ་རྣམས་ཀྱི། །<br>རྔ་སྒྲ་རང་གི་ལས་ལས་བྱུང་། །<br>དེ་བཞིན་འཇིག་རྟེན་ཐུབ་པའི་ཆོས། །<br>གསུང་བ་རང་གི་ལས་ལས་བྱུང་། །<br>འབད་ནས་ལུས་དང་སེམས་བྲལ་བའི། །<br>སྒྲ་དེ་ཇི་ལྟར་ཞི་སྒྲུབ་ལྟར། །<br>དེ་བཞིན་འབད་སོགས་དང་བྲལ་བའི། །<br>ཆོས་དེ་ཞི་བ་སྒྲུབ་པར་བྱེད། ། +
ཇི་ལྟར་ལྷ་ཡི་གྲོང་ན་རྔ་སྒྲའི་རྒྱུས་བྱུང་མི་འཇིགས་སྦྱིན་པ་ནི། །<br>ཉོན་མོངས་གཡུལ་དུ་འཇུག་ཚེ་ལྷ་མིན་དཔུང་རྒྱལ་རྩེད་མོ་སེལ་བ་ལྟར། །<br>དེ་བཞིན་འཇིག་རྟེན་དག་ན་བསམ་གཏན་གཟུགས་མེད་ལ་སོགས་རྒྱུས་བྱུང་བ། །<br>སེམས་ཅན་ཉོན་མོངས་སྡུག་བསྔལ་རབ་འཇོམས་ཞི་བ་བླ་མེད་ལམ་ཚུལ་བརྗོད། ། +
གང་ཕྱིར་སྐྱེ་ཀུན་པ་ཉིད་དང་། །<br>ཕན་བདེ་ཆོ་འཕྲུལ་གསུམ་ལྡན་པ། །<br>དེ་ཕྱིར་ཐུབ་དབྱངས་ལྷ་རྫས་ཀྱི། །<br>སིལ་སྙན་རྣམས་ལས་ཁྱད་པར་འཕགས། ། +
ལྷར་ནི་རྔ་ཡི་སྒྲ་ཆེན་པོ། །<br>སར་གནས་རྣམས་ཀྱི་རྣར་མི་འགྲོ། །<br>སངས་རྒྱས་རྔ་སྒྲ་འཁོར་བ་ཡི། །<br>ས་འོག་འཇིག་རྟེན་དག་ཏུ་འགྲོ། ། +
ལྷར་ནི་ལྷ་ཡི་སིལ་སྙན་བྱེ་བ་མང་། །<br>འདོད་མེ་མངོན་པར་འཕེལ་བའི་དོན་དུ་སྒྲོག །<br>ཐུགས་རྗེའི་བདག་ཉིད་རྣམས་ཀྱི་དབྱངས་གཅིག་ཀྱང་། །<br>སྡུག་བསྔལ་མེ་རབ་ཞི་བའི་དོན་དུ་འཇུག ། +
ལྷར་ནི་མཛེས་ཤིང་ཡིད་འོང་སིལ་སྙན་སྒྲ། །<br>སེམས་ཀྱི་རྒོད་པ་འཕེལ་བར་འགྱུར་བའི་རྒྱུ། །<br>ཐུགས་རྗེའི་བདག་ཉིད་དེ་བཞིན་གཤེགས་པའི་གསུང་། །<br>ཏིང་འཛིན་སེམས་གཏོད་བསམ་པ་སྐུལ་བྱེད་ཉིད། ། +
གདུལ་བྱའི་ཁམས་ནི་གང་ཞིག་གི །<br>གདུལ་བའི་ཐབས་མང་གང་གང་གིས། །<br>གདུལ་བྱའི་བྱ་གང་གང་དུ་ནི། །<br>གང་ཚེ་ཡུལ་དང་དུས་དེ་དག ། +
མདོར་ན་མ་ལུས་འཇིག་རྟེན་ཁམས་སུ་ཡང་། །<br>ལྷ་དང་ས་གནས་བདེ་བའི་རྒྱུ་གང་ཡིན། །<br>དེ་ནི་མ་ལུས་འཇིག་རྟེན་ཁྱབ་སྣང་བ། །<br>དབྱངས་ཉིད་ལ་ནི་རབ་ཏུ་བརྟེན་པར་བརྗོད། ། +
ཇི་ལྟར་རྣ་བ་དང་བྲལ་བས། །ཕྲ་མོའི་སྒྲ་ནི་མི་མྱོང་ཞིང་། །<br>ཐམས་ཅད་ལྷ་ཡི་རྣ་བར་ཡང་། །རྣ་ལམ་དུ་ནི་མི་འགྲོ་བཞིན། །<br>དེ་བཞིན་ཆོས་ཕྲ་མཆོག་ཏུ་ནི། །ཞིབ་མོའི་ཡེ་ཤེས་སྤྱོད་ཡུལ་ཡང་། །<br>ཉོན་མོངས་མེད་ཡིད་འགའ་ཞིག་གི །རྣ་བའི་ལམ་དུ་འགྱུར་བ་ཡིན། ། +
ཇི་ལྟར་དབྱར་གྱི་དུས་ན་སྤྲིན། །<br>ལོ་ཏོག་ཕུན་སུམ་ཚོགས་པའི་རྒྱུ། །<br>ཆུ་ཡི་ཕུང་པོ་འབད་མེད་པར། །<br>ས་ལ་རྒྱུན་དུ་འབེབས་པ་ལྟར། ། +
དེ་བཞིན་ཐུགས་རྗེའི་སྤྲིན་ལས་ནི། །<br>རྒྱལ་བའི་དམ་ཆོས་ཆུ་ཡི་ཆར། །<br>འགྲོ་བའི་དགེ་བའི་ལོ་ཏོག་རྒྱུ། །<br>རྣམ་པར་རྟོག་པ་མེད་པར་འབེབས། ། +
ཇི་ལྟར་འཇིག་རྟེན་དགེ་བའི་ལམ་འཇུག་ན། །<br>རླུང་སྐྱེས་ཆུ་ཆར་སྤྲིན་གྱིས་འབེབས་པ་ལྟར། །<br>དེ་བཞིན་བརྩེ་རླུང་འགྲོ་དགེ་མངོན་འཕེལ་ཕྱིར། །<br>སངས་རྒྱས་སྤྲིན་ལས་དམ་ཆོས་ཆར་པ་འབེབས། ། +
