Property:Tibetan
From Buddha-Nature
This is a property of type Text.
T
དེ་དོན་བཻ་ཌཱུར་བརྒྱ་བྱིན་གྱི། །<br>གཟུགས་བརྙན་ལ་སོགས་དཔེ་དག་ནི། །<br>རྣམ་དགུ་བརྗོད་པ་དེ་ལ་ནི། །<br>དེ་ཡི་བསྡུས་དོན་ངེས་པར་བཟུང་། ། +
སྟོན་དང་གསུང་དང་ཁྱབ་པ་དང་། །<br>སྤྲུལ་དང་ཡེ་ཤེས་སྤྲོ་བ་དང་། །<br>ཐུགས་གསུང་སྐུ་ཡི་གསང་བ་དང་། །<br>ཐུགས་རྗེའི་བདག་ཉིད་ཐོབ་པ་ཉིད། ། +
འབད་རྩོལ་རྒྱུན་ཀུན་རབ་ཞི་བ། །<br>རྣམ་པར་རྟོག་པ་མེད་པའི་ཐུགས། །<br>དྲི་མེད་བཻ་ཌཱུར་བརྒྱ་བྱིན་གྱི། །<br>གཟུགས་བརྙན་ཤར་བ་ལ་སོགས་བཞིན། ། +
འབད་རྩོལ་ཞི་བ་དམ་བཅས་ཏེ། །<br>རྟོག་མེད་ཐུགས་ནི་གཏན་ཚིགས་སོ། །<br>རང་བཞིན་དོན་ནི་གྲུབ་དོན་དུ། །<br>དཔེ་ནི་བརྒྱ་བྱིན་གཟུགས་སོགས་ཡིན། ། +
འདིར་ནི་སྐབས་དོན་འདི་ཡིན་ཏེ། །<br>སྟོན་པ་ལ་སོགས་རྣམ་དགུ་ནི། །<br>སྟོན་པ་སྐྱེ་འཆི་དང་བྲལ་བ། །<br>འབད་པ་མེད་པར་རབ་འཇུག་པའོ། ། +
གང་ཞིག་བརྒྱ་བྱིན་རྔ་དང་སྤྲིན་བཞིན་དང་། །<br>ཚངས་ཉིད་རིན་ཆེན་ཡིད་བཞིན་ནོར་རྒྱལ་བཞིན། །<br>སྒྲ་བརྙན་ནམ་མཁའ་ས་བཞིན་སྲིད་པའི་བར། །<br>འབད་མེད་གཞན་དོན་མཛད་དེ་རྣལ་འབྱོར་རིག ། +
རིན་ཆེན་ལྷ་དབང་སྣང་ཞིང་སྟོན་པ་སྟེ། །<br>ལེགས་པར་འདོམས་མཛད་ལྷ་ཡི་རྔ་དང་འདྲ། །<br>ཁྱབ་བདག་མཁྱེན་དང་བརྩེ་ཆེན་སྤྲིན་ཚོགས་ནི། །<br>མཐའ་ཡས་འགྲོ་བ་སྲིད་རྩེའི་བར་དུ་ཁྱབ། ། +
ཚངས་བཞིན་ཟག་མེད་གནས་ལས་མི་བསྐྱོད་པར། །<br>སྤྲུལ་པ་རྣམ་པ་དུ་མ་རབ་ཏུ་སྟོན། །<br>ཉི་བཞིན་ཡེ་ཤེས་སྣང་བ་རབ་སྤྲོ་གང་། །<br>རྣམ་དག་རིན་ཆེན་ཡིད་བཞིན་ནོར་འདྲའི་ཐུགས། ། +
རྒྱལ་བ་རྣམས་ཀྱི་གསུང་དེ་བྲག་ཅ་བཞིན་དུ་ཡི་གེ་མེད། །<br>སྐུ་ནི་ནམ་མཁའ་ལྟ་བུར་ཁྱབ་དང་གཟུགས་མེད་རྟག་པ་ཉིད། །<br>ས་གཞི་འགྲོ་བའི་དཀར་པོའི་ཆོས་ཀྱི་སྨན་རྣམས་མ་ལུས་པའི། །<br>རྣམ་པ་ཀུན་ཏུ་གཞིར་གྱུར་བ་ནི་སངས་རྒྱས་ས་ཡིན་ནོ། ། +
དག་པ་བཻ་ཌཱུརྱ་འདྲ་ཡི། །<br>སེམས་ལ་སངས་རྒྱས་མཐོང་བའི་རྒྱུ། །<br>དེ་དག་པ་ནི་མི་ཟློག་པའི། །<br>དད་པའི་དབང་པོ་བརྟས་པ་ཉིད། ། +
ཤེས་ཆུ་ཡོན་ཏན་རིན་ཆེན་དང་། །<br>ལྡན་ཕྱིར་ས་རྣམས་རྒྱ་མཚོ་བཞིན། །<br>སེམས་ཅན་ཐམས་ཅད་ཉེར་འཚོའི་ཕྱིར། །<br>ཚོགས་གཉིས་དག་ནི་ཉི་མ་བཞིན། ། +
དགེ་བ་སྐྱེ་དང་འཇིག་པས་ན། །<br>སངས་རྒྱས་གཟུགས་ནི་སྐྱེ་དང་འཇིག །<br>བརྒྱ་བྱིན་བཞིན་དུ་ཐུབ་པ་ནི། །<br>ཆོས་ཀྱི་སྐུ་ཡི་སྐྱེ་འཇིག་མེད། ། +
དེ་བཞིན་དུ་ནི་འབད་མེད་པར། །<br>སྐྱེ་མེད་འགག་མེད་ཆོས་སྐུ་ལས། །<br>སྲིད་པ་ཇི་སྲིད་གནས་བར་དུ། །<br>སྟོན་པ་ལ་སོགས་མཛད་པ་འཇུག ། +
དཔེ་འདི་རྣམས་ཀྱིས་བསྡུས་པ་ཡིན། །<br>དོན་ནི་འདི་ཡིན་རིམ་པ་ཡང་། །<br>སྔ་མ་ཕྱི་མ་ཆོས་མི་མཐུན། །<br>སྤངས་པའི་སྒོ་ནས་བརྗོད་པ་ཡིན། ། +
སངས་རྒྱས་གཟུགས་བརྙན་ལྟ་བུ་སྟེ། །<br>དབྱངས་དང་མི་ལྡན་དེ་འདྲ་མིན། །<br>ལྷ་ཡི་རྔ་བཞིན་ཐམས་ཅད་དུ། །<br>དོན་བྱེད་མིན་པ་དེ་འདྲ་མིན། ། +
སྤྲིན་ཆེན་དང་མཚུངས་དོན་མེད་པའི། །<br>ས་བོན་སྤོང་མིན་དེ་འདྲ་མིན། །<br>ཚངས་ཆེན་བཞིན་ཏེ་གཏན་དུ་ནི། །<br>སྨིན་པར་བྱེད་མིན་དེ་འདྲ་མིན། ། +
ཉི་མའི་གཟུགས་བཞིན་གཏན་དུ་ནི། །<br>མུན་པ་འཇོམས་མིན་དེ་འདྲ་མིན། །<br>ཡིད་བཞིན་ནོར་འདྲ་འབྱུང་བ་ནི། །<br>རྙེད་པར་མི་དཀའ་དེ་འདྲ་མིན། ། +
སྒྲ་བརྙན་བཞིན་ཏེ་རྐྱེན་ལས་ནི། །<br>བྱུང་བ་དེ་དང་འདྲ་བའང་མིན། །<br>ནམ་མཁའ་དང་འདྲ་དག་པ་ཡི། །<br>གཞི་མིན་དེ་དང་འདྲ་བའང་མིན། ། +
འཇིག་རྟེན་འཇིག་རྟེན་ལས་འདས་པ། །<br>འགྲོ་བའི་ཕུན་ཚོགས་མ་ལུས་པ། །<br>དེ་གནས་པ་ཡི་རྟེན་ཡིན་ཕྱིར། །<br>ས་ཡི་དཀྱིལ་འཁོར་དག་དང་འདྲ། ། +
སངས་རྒྱས་བྱང་ཆུབ་ལ་བརྟེན་ནས། །<br>འཇིག་རྟེན་འདས་པའི་ལམ་འབྱུང་ཕྱིར། །<br>དགེ་བའི་ལས་ལམ་བསམ་གཏན་དང་། །<br>ཚད་མེད་པ་དང་གཟུགས་མེད་འབྱུང་། ། +
